ޔޫކްރެއިން އާއި ރަޝިއާ އާއި ދެމެދު ހިނގަމުންދާ ހަމަނުޖެހުން ދުނިޔޭގެ ހަނގުރާމައަކަށް ބަދަލުވެދާނެކަމުގެ އިންޒާރު، ރަޝިއާގެ ރައީސް، ވްލާޑްމީރް ޕުޓިން ދީފިއެވެ.

މި ހަމަނުޖެހުން ދުނިޔޭގެ ހަނގުރާމައަކަށް މިސްރާބުޖަހާފައިވާކަމަށް ޕުޓިން ވިދާޅުވެފައިމިވަނީ އެމެރިކާއާއި އިނގިރޭސިވިލާތުން ޔޫކްރެއިނަށް ހަތިޔާރު ފޯރުކޮށްދިނުމާއި ގުޅިގެންނެވެ.

ޕުޓިން ވިދާޅުވީ، ޔޫކްރެއިންގެ މި ހަމަލާތަކަށް ޔޫކްރޭންގެ އަސްކަރީ ފެސިލިޓީއަކަށް އާ ވައްތަރެއްގެ ހައިޕަރސޮނިކް މީޑިއަމް ރޭންޖް ބެލިސްޓިކް މިސައިލެއް ބޭނުންކޮށްގެން ރައްދުދީފައިވާކަމަށާއި، އިތުރު ހަމަލާތަކެއް ފޮނުވުމުގެ ފުރުސަތު އެބައޮތް ކަމަށެވެ

Advertisement

އެމެރިކާގެ ރައީސް ޖޯ ބައިޑެންގެ ހުއްދައާއިއެކު ޔޫކްރެއިނުން ރަޝިއާއަށް ހަމަލާދިނީ އެމެރިކާގައި އުފެއްދި ހަ އޭޓީއޭސީއެމްއެސް އިން ކަމަށާއި ނޮވެމްބަރު 21 ވަނަ ދުވަހު އިނގިރޭސިވިލާތުގެ ސްޓޯމް ޝެޑޯ މިސައިލް އާއި އެމެރިކާގައި އުފެއްދި ހިމާސް އިން ކަމަށް ޕޫޓިން ވިދާޅުވި އެވެ.

ޕުޓިން ތުހުމަތުކުރެއްވި ގޮތުގައި އެމެރިކާއިން ދަނީ ދުނިޔޭގައި ހަނގުރާމައެއް އުފެއްދުމުގެ މަސައްކަތްކުރަމުންނެވެ.