ޕާކިސްތާނުގެ ކުރީގެ ބޮޑު ވަޒީރު އިމްރާން ޚާން ގެ ސަޕޯޓަރުންގެ ސަބަބުން ޕާކިސްތާނުގެ ވެރިރަށް، އިސްލާމާބާދު ލޮކްޑައުން ކޮށްފިއެވެ.
ޕާކިސްތާނުގެ ވެރިރަށް ލޮކްޑައުން ކޮށްފައިމިވަނީ އިމްރާން ޚާން ދޫކޮށްލުމަށް ގޮވާލައި، އޭނާގެ ސަޕޯޓަރުން އެގައުމުގައި ކުރަމުންދާ އިހުތިޖާޖުގެ ސަބަބުންނެވެ.
މިގޮތުން ސެކިއުރިޓީ ކަންބޮޑުވުންތައް ހުރި ސަރަހައްދުގައި މޮބައިލާއި އިންޓަނެޓްގެ ހިދުމަތްތައް ވެސް މެދުކަނޑާލާފައިވާއިރު، ހައިވޭތައް ވެސް ވަނީ މި އިހުތިޖާޖުގެ ކުރިއަށް ބަންދުކޮށްފައެވެ.
މިގޮތުން އެގައުމުގެ ސަރުކާރުން، އިސްލާމާބާދުގެ ބޮޑެތި މަގުތައް ޝިޕިން ކޮންޓެއިނަރުތަކާއި އެނޫންވެސް ފުލުހުންގެ ކޮންޓިޖެންޓްތައް ބޭނުންކޮށްގެން ބަންދުކޮށްފައިވާއިރު، އެ ގައުމުގެ މަޖިލިސް ކައިރީގައި އެގައުމުގެ ފުލުހުން އަންނަނީ ފޯރިމަރަމުންނެވެ.
އެއްވެސް ބާވަތެއްގެ އެއްވުމެއް ބޭއްވުން އެގައުމުގެ ފުލުހުން މަނާކޮށްފައިވާއިރު، އިމްރާން ޚާން ގެ ޕާޓީ، ޕީޓީއައިގެ ސަޕޯޓަރުން އަންނަނީ އިމްރާން ޚާން ހިމެނޭހެން އެ ޕާޓީގެ ލީޑަރުންނާއި ބޮޑުވަޒީރު ޝެހްބާޒް ޝަރީފްގެ ސަރުކާރު އިސްތިއުފާ ދިނުމަށް ގޮވާލަމުންނެވެ.
Advertisement
This content is created and paid for by advertisers and does not involve Voice Journalists
