ހައްދުފަހަނައަޅާފައިވާ އިޒްރޭލުން ލުބުނާނުގައި ހިންގަމުން އަންނަ އުދުވާން ހުއްޓާލުމަށް އެއްބަސްވެއްޖެއެވެ.

އިޒްރޭލާއި ލުބުނާންގެ ހިޒްބުއްالله ދެމެދު އެއް އަހަރަށްވުރެ ދިގު މުއްދަތަކަށް ހަމަލާތައް ބަދަލު ކުރިއިރު، ހަމަލާތައް ހުއްޓުމާއެކު ލުބުނާންގެ އެތައް ލައްކަ މީހުން، އެމީހުންގެ ގެދޮރު ދޫކޮށް ދާން މަޖުބޫރުވި ހަނގުރާމަ ނިމުމަކަށް އަންނާނެއެވެ.

ޔަހޫދީ ފައުޖުން ވައިގެ މަގުން ލުބުނާނަށް ހަމަލާދީ، އެއްގަމުމަގުން ލުބުނާނަށް އަރައިގެންއިރު، މި އުދުވާން ހުއްޓާލާނެކަން އެމެރިކާގެ ރައީސް ޖޯ ބައިޑެން އިއުލާނުކުރެއްވީ އަންގާރަ ދުވަހު އެވެ. އަދި އިޒްރޭލުގެ ބޮޑުވަޒީރު ބެންޖަމިން ނެތަންޔާހޫ ވެސް ވަނީ އޭނާގެ ވަޒީރުން މިކަމަށް އެއްބަސްވާކަމަށް ބުނެފައެވެ.

Advertisement

މި އުދުވާނެ ހުއްޓާލިނަމަވެސް، ޣައްޒާ އާއި އީރާނަށް ހަމަލާދިނުން ހުއްޓާނުލާނެ ފަދަ ބީދައަކުން، ނަތަންޔާހޫ ވަނީ ވާހަކަ ދައްކާފައެވެ. މިގޮތުން އޭނަ ސިފަކުރި ގޮތުގައި މިއީ ޣައްޒާ އާއި އީރާނަށް "ހަމަލާދިނުމަށް ފުރުސަތު ލިބޭނެ" ކަމެކެވެ.

ލެބަނަންއާއެކު ވެވުނު މި އެއްބަސްވުމުގެ ޝަރުޠުތަކުގެ ދަށުން، ހިޒްބުﷲ އިން ހަމަލާއެއް ކުރިމަތިކޮށްފިނަމަ، އެ ޖަމާޢަތާ ދެކޮޅަށް ޢަމަލުކުރުމުގެ "ފުރިހަމަ" މިނިވަންކަން އިޒްރޭލަށް ލިބިގެންވާ ކަމަށް ނެތަންޔާހޫ ބުންޏެވެ.

ލުބުނާންގެ އޮތޯރިޓީތަކުން ހާމަކުރާ ގޮތުގައި، 2023 ގެ އޮކްޓޯބަރުގައި ހަމަލާތައް ފެށުނީއްސުރެ އެ ޤައުމުގައި 3,823 މީހުން މަރުވެފައިވެއެވެ. 

މިކަމާއި ގުޅޭ ގޮތުން މިހާތަނަށް ހިޒްބުﷲ ގެ ފަރާތުން ރަސްމީ ބަހެއް ލިބިފައެއް ނުވެއެވެ.މި ހުއްޓުމާ ގުޅޭ އެއްވެސް ސީދާ މަޝްވަރާއެއްގައި އެ ޖަމާއަތުން ބައިވެރިވެފައިވާއިރު، އެ ޖަމާޢަތުގެ ފަރާތުން މަޝްވަރާތަކުގައި ބައިވެރިވެފައިވަނީ ލުބުނާނުގެ ޕާލިމެންޓުގެ ސްޕީކަރު ނަބީހް ބެރީއެވެ.