އަންނަ އަހަރު އިސްލާމިކް ބޭންކިންގެ ގާނޫނެއް އެކުލަވާލައި މަޖިލީހަށް ހުށަހަޅުއްވާނެ ކަމަށް މޯލްޑިވްސް މަނިޓަރީ އޮތޯރޮޓީގެ ގަވަރުނަރު އަހުމަދު މުނައްވަރު ވިދާޅުވެއްޖެއެވެ. 

އެމްއެމް ޓީވީގެ "ބޮޑު ޚަބަރު" ޕްރޮގްރާމުގައި ވާހަކަފުޅު ދައްކަވަމުން ގަވަރުނަރު ވިދާޅުވީ، ރާއްޖޭގެ ބޭންކުތައް މުއްސަނދި ކުރުމަށް އެންމެ މުހިންމު ކަމަކަށް ކުރައްވަން ނިންމަވާފައިވާ ކަމަކީ ބޭންކިންގ ގާނޫނު އިސްލާޙު ކުރުން ކަމަށެވެ. އަދި އެކަން އަންނަ އަހަރުގެ ތެރޭގައި ކުރެވިގެންދާނެކަން ގަވަރުނަރު ފާހަގަކުރެއްވިއެވެ. 

އެގެންނަ އިސްލާޙްތަކާއެކު ބޭންތަކުގެ ކެޕިޓަލް ބޮޑު ކުރެވި، ރާއްޖޭގެ ބޭންކު ތަކަށް، ފަތުރުވެރިކަމުގެ ދާއިރާއަށް ލޯނުތައް ދެވެންފަށާނެ ކަމަށް މުނައްވަރު ވިދާޅުވިއެވެ. 

Advertisement

ދެވަނަ ކަމަކަށް ކުރައްވަން ނިންމަވާފައިވާ ކަމަކީ، އިސްލާމިކް ބޭންކުގެ ސެންޓާރއެއްގެ ގޮތުގައި ރާއްޖެ ހެދުމަށް، އަންނަ އަހަރު އިސްލާމިކް ބޭންކިންގެ ޤާނޫނެއް އެކުލަވައިލުން ކަމަށް ވެސް ގަވަރުނަރު ވިދާޅުވިއެވެ.

އެހެންވީމާ، އިރާދަކުރެއްވިއްޔާ މި އަންނަ އަހަރު ތެރޭގައި އަޅުގަނޑު ވަރަށް އިސްކަމެއް ދޭނަން އިސްލާމިކް ބޭންކިންގ ޤާނޫން، އަޅުގަނޑުމެން ވަރަށް އަވަހަށް ފަރުމާކޮށް ނިންމާލާފަ މަޖިލީހަށް ހުށަހަޅަން " ގަަވަރުނަރު އަހުމަދު މުނައްވަރު ވިދާޅުވިއެވެ.