މޫސުން ގޯސްވެ، މޫސުމާއި ބެހޭ އިދާރާ (މެޓް އޮފީސް) އިން ރާއްޖޭގެ ދެކުނަށާއި އުތުރަށް ހުދު ސަމާލުނެރެފިއެވެ.

މިގޮތުން މޫސުމާއި ބެހޭ އިދާރާއިން ވަނީ މިއަދު ހެނދުނު 6:35 އިން ފެށިގެން މިއަދު މެންދުރު 12:30 އާއި ހަމައަށް ލ އަތޮޅުން ފެށިގެން އައްޑޫ ސިޓީއަށް އަދި ހއ އަތޮޅުން ފެށިގެން ރ އަތޮޅަށް ހުދު ސަމާލު ނެރެފައެވެ.

މޫސުމާއި ބެހޭ އިދާރާއިން ބުނީ، މި ސަރަހައްދަށް ބޯކަށް ވާރޭވެހުމާއިއެކު ގުގުރުމާއިއެކު، ގަޑިއަކު 19 މޭލާއި 24 މޭލާއި ދެމެދުގައި ވައިޖެހި ވިލާގަނޑުގައި ގަޑިއަކު 45 މޭލަށް ވައިގަދަވެ ކަނޑުތައް ގަދަވާނެކަމަށް ލަފާކުރާކަމަށެވެ.

Advertisement

މިއާއިއެކު، އެ އިދާރާއިން ވަނީ ކަނޑުދަތުރުކުރައްވާ ފަރާތްތަކުން މޫސުމަށް ސަމާލުވުމަށް އިލްތިމާސްކޮށްފައެވެެ.