ޕާކިސްތާނުގެ ކުރީގެ ބޮޑުވަޒީރު، އިމްރާން ޚާންގެ ސަޕޯޓަރުން އެގައުމުގައި ކުރިއަށް ގެންދިޔަ މުޒާހަރާތަކުގެ ސަބަބުން އިމްރާން ޚާނާއި އަނބިކަނބަލުން ބުޝްރާ ބިބީގެ މައްޗަށް ޓެރަރިޒަމްގެ ދައުވާ އުފުލައިފިއެވެ.
ޕާކިސްތާނުގެ ސަރުކާރުން އުފުލި މި ދައުވާގެ ތެރޭގައި، އިމްރާން ޚާންގެ ޕާޓީ ތަހްރީކް-އެ-އިންސާފް (ޕީޓީއައި)ގެ މަސައްކަތްތެރިން ވެސް ހިމެނެއެވެ.
އެމީހުންގެ މައްޗަށް ކުރާ ދައުވާތަކުގެ ތެރޭގައި، އެގައުމުގެ ވެރިރަށް، އިސްލާމްއާބާދުގައި މުޒާހަރާކުރުން މަނާކުރާ ގާނޫނާއި ޚިލާފުވުމާއި، ފުލުހުންނަށް ހަމަލާދިނުމާއި، ސަރުކާރުގެ މަސައްކަތްތަކަށް ހުރަސް އެޅުމާއި، އެގައުމުގެ ގާނޫނުގެ މީހުން އެއްވުން މަނާކުރާ ސެކްޝަން 144 އާ ޚިލާފުވުން ހިމެނެއެވެ.
މިދިޔަ ހަފްތާގެ އާދީއްތަ ދުވަހުން ފެށިގެން ކުރިއަށްދިޔަ މި މުޒާހަރާގައި ބައިވެރިވި 1،000 އާއި ގާތްކުރާ އަދަދެއްގެ މީހުންވެސް ވަނީ ހައްޔަރުކޮށްފައެވެ.
ޖިނާއީ އެތައް ދައުވާތަކެއް އުފުލި، އިމްރާން ޚާން މިދިޔަ އަހަރުގެ އޮގަސްޓް މަހުން ފެށިގެން ޖަލުގައި ހުންނެވިއިރު، 9 މަސް ދުވަހު ޖަލުގައި ހުންނެވުމަށްފަހު ބިބީ ދޫކޮށްލާފައިވަނީ މިއަހަރުގެ އޮކްޓޫބަރު މަހުއެވެ.
Advertisement
This content is created and paid for by advertisers and does not involve Voice Journalists
