މާލޭ މަގުތަކުގައި ހުރި ޑިސްޓްރިއުބިއުޝަން ފޮށިތައް ސާފު ކުރުމުގެ މަސައްކަތް ސްޓެލްކޯއިން ފަށައިފިއެވެ.
ސްޓެލްކޯއިން ބުނީ، "ޗާލު ވެށި–މަގޭ ޒިންމާ" ޙަރަކާތް މިއަދު ވަނީ ފަށާފައިވާކަމަށާއި، މިއީ އެ ކުންފުނީގެ ސަބް ސްޓޭޝަންތަކާއި މަގުމަތީގައި ހުރި ޑިސްޓްރިބިއުޝަން ފޮށިތަކުގައި ތަތްކޮށްފައިވާ އިޝްތިހާރު ފަދަ ތަކެތި ނައްޓައި، ސަބް ސްޓޭޝަންތަކާއި ޑިސްޓްރިބިއުޝަން ފޮށިތައް ސާފުކުރުމަށް ކުންފުނީގެ މުވައްޒަފުން ހިންގާ ހަރަކާތެއް ކަމަށެވެ.
މި ހަރަކާތް ފައްޓަވައިދެއްވީ، މިނިސްޓަރ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ ޠާރިޤް އިބްރާހީމާއި، މާލެ ސިޓީގެ މޭޔަރ އާދަމް ޢާޒިމް އަދި މެނޭޖިންގ ޑިރެކްޓަރ ޙުސައިން ފަހުމީއެވެ.
މި ހަރަކާތް ފެށުމަށް މިއަދު ހެނދުނު ބޭއްވި ރަސްމިއްޔާތުގައި ވާހަކަފުޅު ދައްކަވަމުން ފަހުމީ ވިދާޅުވީ، މިއީ މިއަދު ފަށާފައި ހުއްޓާލާނެ ޕްރޮގްރާމެއް ނޫންކަމަށާއި، މިއީ އެ ކުންފުނީގެ މުއައްޒަފުން ކުރިއަށްގެންދާ ކަމެއް ކަމަށެެވެ.
"އެންމެ ބޮޑު އެހީތެރިކަމެއް ދޭނީ އަޅުގަނޑުމެންގެ މުއައްޒަފުން. އަޅުގަނޑުމެންގެ މުއައްޒިފުން ކުރާކަމެއް މި ކަމަކީ،"
ފަހުމީ ވިދާޅުވިއެވެ.
މުޅި ރާއްޖޭގައި ސްޓެލްކޯގެ ޑިސްޓްރިބިއުޝަން ފޮށިތަކާއި ސަބް ސްޓޭޝަންތަކުގައި އާއްމުކޮށް އިންތިހާބުތަކާއި ދިމާކޮށް ޕޯސްޓަރުތައް ފަދަ ތަކެތި ހަރުކުރުމުގެ ސަބަބުން އެތަކެތި ވަރަށް ބޮޑަށް ހަޑިވެފައި ހުންނަކަން ފާހަގަކޮށްލަން ޖެހެއެވެ.
Advertisement
This content is created and paid for by advertisers and does not involve Voice Journalists
