އެންމެ ޒަމާނީ ވަަސީލަތްތަކާ އެކު ރާއްޖޭގައި ސިނަމާއެއް އަޅަން ނިންމާފައިވާކަމަށް ޒުވާނުން ބާރުވެރިކުރުމާއި، މަޢުލޫމާތާއި ފަންނާއި ބެހޭ ވަޒީރު އިބްރާހިމް ވަހީދު (އަސްވާޑް) ވިދާޅުވެއްޖެއެވެ.
ދައުލަތުގެ މީޑިއާ، ޕީއެސްއެމްގެ ޕްރޮގްރާމެއްގައި ވާހަަކަފުޅު ދައްކަވަމުން އަސްވާޑް ވިދާޅުވީ، ފިލްމު އަޅުވާނެ އެންމެ ތަނެއް ހުރުމަކީ ރާއްޖޭގެ ފިލްމު އިންޑަސްޓްރީ އަށް އޮތް އެންމެ ބޮޑު އެއް ގޮންޖެހުން ކަމަށެވެ.
މިހާރު ރަސްމީކޮށް ފިލްމު އަޅުވާ ތަނެއްގެ ގޮތުގައި ބޭނުންކުރަމުންދަނީ އޮލިމްޕަސް އެކަނި ކަން ފާހަގަކުރައްވާ، ވަޒީރު ވިދާޅުވީ އޮލިމްޕަހަކީ ފިލްމު އެޅުވުމުގެ އިތުރުން ތަފާތު އެތައް ހަރަކާތްތަކެއް ކުރިއަށް ގެންދާ ތަނަކަށް ވާތީ ފިލްމު އިންޑަސްޓްރީއަށް ދިމާވެފައިވާ ދަތިތައް ހައްލުކުރުމަށް އިތުރު ސިނަމާއެއް ރާއްޖޭގައި ހުންނަން ޖެހޭކަމަށެވެ.
އަސްވާޑު ވިދާޅުވީ ފިލްމު އުފައްދާ ގިނަ ޕްރޮޑިއުސަރުންތަކެއް މިހާރު ތިބި އިރު އޮލިމްޕަސް ހޯދަން ކިއުގައި ތިބެން ޖެހޭކަމަށާއި، އެ މައްސަލަ އަށް ހައްލެއް ހޯދައި ދޭން ސަރުކާރުން ބޭނުންވާ ކަމަށެވެ.
"މިހާރު އޮލިމްޕަސް ހޯދަން ޕްރޮޑިއުސަރުން ކިއުގައި ތިބެން ޖެހެނީ. އެހެންވެ އެ މައްސަލައަށް ހައްލެއް ހޯދައިދޭން މި ސަރުކާރުން ބޭނުންވޭ،"
ވަޒީރު ވިދާޅުވިއެވެ.
މީގެ އިތުރުންވެސް ވަޒީރު ވިދާޅުވީ، ޒަމާނީ ސިނަމާއެއް ތަރައްގީކޮށް މި ސަރުކާރުގެ ފަސް އަހަރު ދުވަހުގެ ތެރޭގައި ނިންމައި ދެެއްވާނެ ކަމަށެވެ.
Advertisement
This content is created and paid for by advertisers and does not involve Voice Journalists
