މިހާރު ރާއްޖެއަށް ކުރަމުންދާ މޫސުމީ ވިއްސާރާގައި އައްޑޫސިޓީގެ 5 ގެއެއްގެ ފުރާޅު އެއްލާލައި، ބައެއް ގެތަކުން މީހުން ބަދަލުކުރަން ޖެހިއްޖެއެވެ.
މިކަމާ ގުޅޭގޮތުން އެމްއެންޑިއެފުން ބުނެފައިވަނީ، އައްޑޫ ސިޓީގެ 5 ގެއެއްގެ ފުރާޅު ވަޔާ އެއްލާލުމާ ގުޅިގެން އެމްއެންޑީއެފް ސަދަން އޭރިއާ ކޮމާންޑްގެ، ސިފައިން އެހީތެރިކަން ފޯރުކޮށްދީފައިވާކަމަށެވެ. މިހާދިސާ ހިނގާފައިވަނީ ރޭގެ ވަގުތެއްގައެވެ. އެ ގެތަކުގެ ފުރާޅު އެެއްލާލުމާ ގުޅިގެން ފުރާޅު މަގުމަތިން އެއްފަރާތްކޮށް، ފުރާޅު ހެދުމުގައި އެމްއެންޑީއެފް ސަދަން އޭރިއާ ކޮމާންޑުގެ ސިފައިން ވަނީ އެހީތެރިކަން ފޯރުކޮށްދީފައެވެ. މި ހާޑިސާގައި އެއްވެސް މީހަކަށް އަނިޔާވެފަ ނުވާކަމަށް އެމްއެންޑިއެފުން ބުނެއެވެ.
އައްޑޫސިޓީއަށް ރޭ ކުރި ވިއްސާރައާ ގުޅިގެން ނެޝަނަލް ޑިޒާސްޓަރ މެނޭޖްމަންޓް އޮތޯރިޓީން މިއަދު ބުނީ، މިހާރު ރާއްޖެއަށް ކުރަމުންދާ ވިއްސާރައިގަގެތަކުގެ ފުރާޅު އެއްލާލުމާ ގުޅިގެން އެ ގެތަކުގެ މީހުންނަށް އެހީތެރިކަން ފޯރުކޮށްދިނުމުގެ މަސައްކަތް އަައްޑޫ ސިޓީ ކައުންސިލްއާއި ގުޅިގެން ކުރަމުން އަންނަކަމަށެވެ.
މިހާރު ރާއްޖެއަށް ކުރަމުންދާ ވިއްސާރާގައި މުޅި ރާއްޖެއަށް ވައިޓް އެލާޓް ނެރެފައިވާއިރު، ކުރިއަށްމިއޮތް ދުވަސްތައް މޫސުން ގޯސްވާނޭކަމަށް މޫސުމާ ބެހޭ ޤައުމީ އިދާރާ މެޓް އޮފީހުން ބުނެއެވެ.
Advertisement
This content is created and paid for by advertisers and does not involve Voice Journalists
