ބްރޯޑްކާސްޓަރުން ފޮނުވާ ކޮންޓެންޓް ސުލޫކީ މިންގަނޑާއި އެއްގޮތަށް ބެހެއްޓުމަށް މޯލްޑިވްސް ބްރޯޑްކާސްޓިންގ ކޮމިޝަން (ބްރޯޑްކޮމް) އިން އިލްތިމާސްކޮށްފިއެވެ.
އެކޮމިޝަނުން ނެރުނު ނޫސްބަޔާނެއްގައި ބުނީ، ބްރޯޑްކާސްޓް ކުރާ ބައެއް ޗެނަލް ތަކުން ގެނެސްދޭ ބައެއް ކޮންޓެންޓް އިޖުތިމާއީ މިންގަނޑާއި ޚިލާފަށް ހުންނަކަން ފާހަގަކުރެވިފައިވާކަމަށެވެ. އެހެންކަމުން ބްރޯޑްކޮމްއިން ވަނީ, ބްރޯޑްކާސްޓަރުން ކޮންޓެންޓް ގެނެސްދޭއިރު ދިވެހިރާއްޖޭގެ ގާނޫނުތަކާއި އާއްމު އިޖުތިމާއީ މިންގަނޑާއި ނޫސްވެރިކަމުގެ އަޚްލާގީ މިންގަނޑަށް ފެތޭގޮތަށް ގެނެސްދިނުމަށް އިލްތިމާސްކޮށްފައެވެ.
މިއާއިއެކު، ބްރޯޑްކާސްޓް ކުރުމުގެ ގާނޫނުގެ 37 ވަނަ މާއްދާގެ ދަށުން ބްރޯޑްކާސްޓަރުން އަމަލުކުރުމަށް އެކުލަވާލާފައިވާ ކޯޑް އޮފް ޕްރެކްޓިސްގައި ކަނޑައަޅާފައިވާ ހަމަތަކާއި ގައިޑްލައިންތަކާއި އެއްގޮތަށް ކޮންޓެންޓް ފޮނުވުމަށްވެސް އެ ކޮމިޝަނުން ވަނީ ބްރޯޑްކާސްޓަރުންނަށް ހަނދާންކޮށްދީފައެވެ.
ބްރޯޑްކާސްޓިން ކޮމިޝަނަކީ ޓީވީތަކުގެ ބަލަދުވެރި ފަރާތެވެ. ބްރޯޑްކާސްޓިން ކޮމިޝަނުގެ މެންޑޭޓްތަކުގެ ތެރޭގައި، ބްރޯޑްކާސްޓް ކުރާ ފަރާތްތަކުގެ ސުލޫކީ މިންގަޑުތައް އެކަށައަޅައި ދެމެހެއްޓުން ހިމެނެއެވެ.
Advertisement
This content is created and paid for by advertisers and does not involve Voice Journalists
