މިއަދުވެސް ކަނޑުގަދަވާނެކަމަށް ލަފާކޮށް، ކަނޑުދަތުރުކުރާ ފަރާތްތަކުން ސަމާލުވާން އެދެފިއެވެ.

މޫސުމާއި ބެހޭ އިދާރާ (މެޓް އޮފީސް) އިން ބުނީ، މިއަދު ހަވީރު 18:00 އާއި ހަމައަށް ދެކުނުގެ ކަނޑުތަކުގެ ރާޅުގެ އުސްމިނުގައި 5  ފޫޓާއި 8 ފޫޓާއި ދެމެދު ހުންނާނެކަމަށެވެ. އަދި އުތުރާއި މެދު ރާއްޖެތެރޭގެ ކަނޑުތަކުގެ ރާޅުގެ އުސްމިނުގައި 4 ފޫޓާއި 7 ފޫޓާއި ދެމެދު ހުންނާނެކަމަށް އެ އިދާރާއިން ލަފާކުރެއެވެ.

މޫސުމާއި ބެހޭ އިދާރާއިން ބުނީ، ދެކުނުގެ ރަށްތަކަށް ވިއްސާރަކޮށް ގުގުރުން އެކަށީގެންވާކަމަށާއި، އެހެން ހިސާބުތަކަށް ކުރީގެ އަސަރުކުރާނެކަމަށެވެ.

ހުޅަނގާއި ހުޅަނގުއުތުރުން، ދެކުނުގެ އަތޮޅުތަކަށް ގަޑިއަކު 15 މޭލާއި 25 މޭލާއި ދެމެދުގެ ބާރުމިނުގައި ވައިޖެހޭނެކަމަށާއި، އެހެން ހިސާބުތަކަށް ގަޑިއަކު 13 މޭލާއި 23 މޭލާއި ދެމެދުގެ ބާރުމިނުގައި ވައިޖެހޭނެކަމަށް ލަފާކޮށް މޫސުމާއި ބެހޭ އިދާރާއިން ބުނީ، ވިލާގަނޑުގައި ގަޑިއަކު ގާތްގަނޑަކަށް 45 މޭލު ބާރުމިނަށް ވައިގަދަވުން އެކަށީގެންވާކަމަށެވެ.

އެހެންކަމުން، ކަނޑުދަތުރުކުރާ ފަރާތްތަކުން މޫސުމަށް ސަމާލުވުމަށް އެއިދާރާއިން ވަނީ އެދިފައެވެ.