މާލޭ ސިޓީ ކައުންސިލް އިން އިންތިޒާމްކޮށްގެން އަންނަ އަހަރުގެ ރަމަޟާން މަހު ބާއްވާ ޤުރުއާނާއި މަދަޙަ މުބާރާތުގައި ބައިވެރިވާން ހުޅުވާލައިފިއެވެ.

މާލޭ ސިޓީ ކައުންސިލުން ކުރި އިއުލާނެއްގައި ބުނީ، 1446 ވަނަ އަހަރުގެ ބަރަކާތްތެރި ރަމަޟާން މަހު، އެ ކައުންސިލުން ބާއްވަން ހަމަޖެހިފައިވާ ކީރިތި ޤުރްއާން ކިޔެވުމާއި މަދަޙަ ކިޔުމުގެ މުބާރާތުގައި ބައިވެރިވުމުގެ މުއްދަތު 30 ނޮވެންބަރު 2024 ވަނަ ދުވަހުގެ ނިޔަލަށް ވަނީ ހަމަވެފައިވާކަމަށެވެ.

އެހެންނަމަވެސް، އެހެން ނަމަވެސް ބައެއް ފަރާތްތަކުން މުއްދަތު އިތުރުކޮށްދިނުމަށް އެދެމުންދާތީ 2 ޑިސެންބަރު 2024 ވަނަ ދުވަހުން ފެށިގެން 11 ޑިސެންބަރު 2024 ވަނަ ދުވަހުގެ ނިޔަށް މި މުބާރާތުގައި ބައިވެރިވުމުގެ ފުރުސަތު ހުޅުވާލާފައިވާކަމަށް އެކައުންސިލުން ބުނެއެވެ.

މާލޭ ސިޓީ ކައުންސިިލުން ބުނީ،  ކީރިތި ޤުރުއާން ކިޔެވުމުގެ މުބާރާތް ބަލައިގެން ކިޔެވުމުގެ ގޮތްޕާއި ނުބަލައި ކިޔެވުމުގެ ގޮތްޕަށް ބަހާލެވިފައިވާއިރު،  ކޮންމެ ގޮތްޕެއްގައި ވެސް 3 އުމުރުފުރާ ހިމެނޭނެކަމަށެވެ.  އެއީ 6 އަހަރުން ދަށާއި، 9 އަހަރުން ދަށާއި 11 އަހަރުން ދަށާއި، 13 އަހަރުން ދަށާއި، 16އަހަރުން ދަށާއި، 19އަހަރުންދަށްކަމަށާއި، އުމުރު ފުރާ ކަނޑައެޅުމުގައި ބަލާނީ 1 ޖަނަވަރީ 2024 އަށް ދަރިވަރަށް ފުރޭ އަހަރަށްކަމަށް ކައުންސިލުން ބުނެއެވެ.

މި މުބާރާތުގެ 6 އަހަރުން ދަށުގެ އުމުރުފުރާގެ ދަރިވަރުންގެ ކިޔެވުމަށް އިންސާފުކުރާ ގޮތަށް ހަމަޖެހިފައެއްނުވިނަމަވެސް އެ ނޫން ކޮންމެ އުމުރުފުރާއަކުން އެންމެ މޮޅު 5 ދަރިވަރުން ހޮވޭނެކަމަށާއި، ކޮންމެ އުމުރުފުރާއަކުން އަދި ކޮންމެ ގޮތްޕަކުން 1 ވަނަ ، 2 ވަނަ 3 ވަނަ ހޮވާނެކަން ފާހަގަކުރަމުން ކައުންސިލުން ބުނީ، މި ވަނަތައް ހޮވޭނީ ދެ ގޮފި ވަކިންކަމަށާއި، ކޮންމެ ގޮތްޕަކުން އެންމެ މޮޅު 5 ދަރިވަރުން ހޮވާނެކަމަށެވެ.

މާލޭ ސިޓީ ކައުންސިލުގެ ޤުރުއާން މުބާރާތުގައި ކޮންމެ ދަރިވަރަކަށް ވެސް ބައިވެރިވެވޭނީ އެއް ގޮފީގައެވެ.

މިމުބާރާތުގެ ވަނަވަނައަށް އަންނަ ދަރިވަރުންނަށް ކަނޑައެޅިފައިވާ އިނާމުތަކަކީ:

ޤުރުއާން މުބާރާތުގެ ކޮންމެ އުމުރުފުރައެއްގެ ކޮންމެ ގޮއްޕަކުން:

1) 1 ވަނަ   -/7000ރ، ޓްރޮފީއާއި ސެޓްފިކެޓް

2) 2 ވަނަ -   /5000ރ، ކްލާކާއި ސެޓްފިކެޓް

3) 3 ވަނަ   -/3000ރ، ކްލާކާއި  ސެޓްފިކެޓް

ޤުރުއާން މުބާރާތުގެ ކޮންމެ ގޮއްޕަކުން މުޅި މުބާރާތުން:

1) 1 ވަނަ -/10000ރ ޓްރޮފީ އާއި ސެޓްފިކެޓް

2) 2 ވަނަ -/7000ރ، ޓްރޮފީ އާއި ސެޓްފިކެޓް

3) 3 ވަނަ  -/5000ރ، ޓްރޮފީ އާއި ސެޓްފިކެޓް

މާލޭ ސިޓީ ކައުންސިލްގެ މަދަހަ މުބާރާތައި ބެހޭ ގޮތުން އެކައުންސިލުން ބުނީ، މަދަޙަ މުބާރާތު ގައި ބައިވެރިވެވޭ ޢުމުރުފުރާތަކަކީ ވެސް 6 އަހަރުން ދަށާއި، 9 އަހަރުން ދަށާއި 11 އަހަރުން ދަށާއި، 13 އަހަރުން ދަށާއި، 16އަހަރުން ދަށާއި، 19 އަހަރުންދަށްކަމަށާއި، އުމުރު ފުރާ ކަނޑައެޅުމުގައި ބަލާނީ 1 ޖަނަވަރީ 2024 އަށް ދަރިވަރަށް ފުރޭ އަހަރަށް ކަމަށެވެ.

ޤުރުއާން މުބާރާތެކޭ އެއްފަދައިން މި މުބާރާތުގެ 6 އަހަރުން ދަށުގެ އުމުރުފުރާގެ ދަރިވަރުންގެ މަދަޙަ ކިޔުން އިންސާފުކުރާ ގޮތަށް ހަމަޖެހިފައެއްނުވިނަމަވެސް، އެ ނޫން  ކޮންމެ އުމުރުފުރާއަކުން އެންމެ މޮޅު 5 ދަރިވަރުން ހޮވޭނެކަމަށާއި، ކޮންމެ އުމުރުފުރާއަކުން،  1 ވަނަ ، 2 ވަނަ  3 ވަނަ އާއި މުޅި މުބާރާތުން 1 ވަނަ 2 ވަނަ 3 ވަނަ ހޮވޭނެކަމަށް އެ ކައުންސިލުން މައުލޫމާތުދެއެވެ.

މަދަޙަ މުބާރާތުގެ ކޮންމެ އުމުރުފުރާއަކުން:

1) 1 ވަނަ -/7000ރ، ޓްރޮފީއާއި ސެޓްފިކެޓް

2) 2 ވަނަ -/5000ރ، ކްލާކާއި ސެޓްފިކެޓް

3) 3 ވަނަ -/3000ރ، ކްލާކާއި ސެޓްފިކެޓް

މަދަޙަ މުބާރާތުގެ މުޅި މުބާރާތުން:

1) 1 ވަނަ -/10000ރ ޓްރޮފީ އާއި ސެޓްފިކެޓް

2) 2 ވަނަ -/7000ރ، ޓްރޮފީ އާއި ސެޓްފިކެޓް

3) 3 ވަނަ  -/5000ރ، ޓްރޮފީ އާއި ސެޓްފިކެޓް

މުބާރާތުގައި ބައިވެރިވާން ބޭނުންވާ ދަރިވަރުންނަށް https://quranmadhaha.malecity.gov.mv  މި ލިންކުން އެޕްލިކޭޝަން ހުށަހެޅުމަށް މާލޭ ސިޓީ ކައުންސިލުން ހުޅުވާލާފައިވަނީ 18 ނޮވެމްބަރ 2024 ގެ ހެނދުނު 09:00 އިން ފެށިގެން 30 ނޮވެމްބަރ 2024 14.00 ގެ ނިޔަލަށެވެ.