ދުނިޔޭގައި އަލަށް ކަދުރުން އުފެއްދި ސޮފްޓް ޑްރިންކް، "މިލަފް ކޯލާ" ސައުދީ އަރަބިއާއިން ތައާރަފްކޮށްފިއެވެ.
މި ބުއިން ސައުދީގެ ރިޔާދުގައި ބޭއްވި ކަދުރު މައުރަޒުގައި ތަޢާރަފުކޮށްފައިވާއިރު، މިއީ ބްލިކް އިންވެސްޓްމަންޓް ފަންޑުގެ ސަބްސިޑިއަރީއެއް ކަމަށްވާ ތުރާތު އަލް-މަދީނާއިން ތައްޔާރުކޮށްފައިވާ ބުއިމެކެވެ.
އެ ކުންފުނިން ބުނާގޮތުގައި މިއީ ސިއްހީ ފައިދާ ތަކާއި އެކު ހަށިގަނޑަށް ފިނިކަން ގެނެސްދޭގޮތަށް އުފެއްދިފައިވާ، ސޮފްޓް ޑްރިންކް ސިނާއަތުގައި ސިއްހަތަށް ފައިދާހުރި އަދި ދެމެހެއްޓެނިވި ބުއިންތަކެއް އުފެއްދުމަށް އެޅޭ މުހިންމު ފިޔަވަޅެކެވެ.
މި އުފެއްދުމުގައި ބޭނުންކުރަނީ ސައުދީގައި ހައްދާ ކަދުރެވެ.
ތުރާތު އަލް-މަދީނާގެ އަމާޒަކީ މި އުފެއްދުންތަކުގެ ވައްތަރުތައް އިތުރުކުރުމެވެ. މީގެ ތެރޭގައި ކަދުރު ބޭނުންކޮށްގެން އުފައްދާ އެނަރޖީ ޑްރިންކްތަކާއި އެހެނިހެން ބުއިންތައް ހިމެނެއެވެ.
Advertisement
This content is created and paid for by advertisers and does not involve Voice Journalists
