ދުންފަތާ ދުރުވާން ބޭނުންވާ މީހުންނަށް އެހީތެރިކަން ފޯރުކޮށްދިނުމުގެ ގޮތުން އެމީހުންނަށް ހާއްސަ "ކުއިޓް ލައިން" އެއް ގާއިމުކޮށްފިއެވެ.

ސިޒޭޝަންގެ ހިދުމަތް ރާއްޖޭގެ ހުރިހާ ސަރަހައްދަކުން ވެސް ލިބޭނެ ގޮތް ހަމަޖެއްސުމަށް ރައީސް ޑރ. މުހައްމަދު މުއިއްޒު ނިންމަވާފައިވާއިރު، މިކަމާއި ގުޅޭގޮތުން މައުލޫމާތު ދިނުމަށް ބޭއްވި ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުން ސިއްހީ ވަޒީރު އަބްދުﷲ ނާޒިމް ވިދާޅުވީ، މިއަހަރުގެ ޑިސެންބަރު 8 ވަނަ ދުވަހުން ފެށިގެން މި ޚިދުމަތް 24 ގަޑިއިރުގެ ޚިދުމަތެއްގެ ގޮތުގައި ލިބެން ހުންނާނެކަމަށެވެ.

ނާޒިމް ވިދާޅުވިގޮތުގައި، ސެޒޭޝަންގެ ހިދުމަތް ހޯދުމަށްޓަކައި، ގުޅާނެ ހާއްސަ ނަންބަރެއްގެ ގޮތުގައި، 1676 ހަމަޖެއްސީ ފަސޭހައިން އެ ހިދުމަތް ލިބޭނެ ގޮތް މަގުފަހިކޮށްދިނުމުގެ ބޭނުމުގައެވެ.

Advertisement

ދުންފަތާ ދުރުވުމަށް އެހީވުމަށް ރާއްޖޭގެ ހުރިހާ ރަށެއްގައި "ޓޮބޭކޯ ސިޒޭޝަން ކްލިނިކް" ތައް ގާއިމް ކުރަން ސަރުކާރުން ނިންމައިފައިވާކަން އިއުލާނުކޮށްފައިވާއިރު، ވަޒީރު ނާޒިމް ވިދާޅުވީ ހުރިހާ ރަށެއްގައި، ކުރިއަށް އޮތް ދެތިން މަސް ތެރޭ އެ ހިދުމަތް ފަށާނެ ކަމަށެވެ.