އެމްޑީޕީއަކީ ވެރިކަމުން މީހުން ބާލާ ޕާޓީއެއް ނޫންކަމަށް އެ ޕާޓީގެ ޗެއާޕާސަން ފައްޔާޒް އިސްމާއީލް ވިދާޅުވެއްޖެއެވެ.
އެމްޑީޕީގެ ހަރުގޭގައި މިރޭ ބޭއްވި، "ގާނޫނުއަސާސީގެ ދިފާއުގައި ބާއްވާ ބޮޑު ސައްލާ" ޖަލްސާގައި ވާހަކަ ދައްކަވަމުން ފައްޔާޒް ވިދާޅުވީ، މި ސަރުކާރު ވެރިކަމާ ހަވާލުވުމަށްފަހު، ކަންކަން ކުރަމުންގެންދަނީ ވައުދުވިގޮތާ މުޅިން އިދިކޮޅަށް ކަމަށާއި ސަރުކާރު ޒިއްމާދާރުކުރުމަށް މިހާތަނަށް ދެއްކި އެއްވެސް ވާހަކައެއްގެ އަޑު ނޭހިކަމަށެވެ. ފައްޔާޒު ވިދާޅުވީ ސަރުކާރާ ދޭތެރޭ ރައްޔިތުންތިބީ ވަރަށްބޮޑަށް މާޔޫސްވެފައި ކަމަށާއި، އެކަން ރައްޔިތުންނާ ދިމާވެ ކުރިމަތިކުރުވާ ސުވާލުތަކުން ވަރަށް ރަނަގޅަށް ދޭހަވާކަމަށެވެ.
ރައްޔިތަކާ ކޮންމެ ތަނަކުން ބައްދަލުވިނަމަވެސް ގިނަ މީހުން ދައްކަނީ ސަރުކާރު ބާލަންޖެހޭ ވާހަކަކަމަށް ފައްޔާޒް ވިދާޅުވިއެވެ. ފައްޔާޒު ވިދާޅުވީ އެމްޑީޕީއަކީ މީހުން ވެރިކަމުން ބާލާ ޕާޓީއެއް ނޫންކަމަށާއި، އެޕާޓީއަކީ މީހުން ހަމަމަގަށް އަޅުވާ ޕާޓިއެއްކަމަށެވެ.
އަޅުގަނޑުމެން މަގުމަތިންދާއިރުގަ، މިސްކިތަކަށް އަރާއިރުގަ، ހޮޓަލަކަށް ވަންނައިރުގަ، މުސްކުޅި އުމުރުން ފެށިގެން އައިސް ޒުވާނުންނަށް ދަންދެން މިބުނަނީ ބަލަ މިމީހުން ވެރިކަމުން ބާލަންޖެހޭއޭ. އާދެ އަޅުގަނޑުމެން އެބަ ދަންނަވަން އަޅުގަނޑު މެންނަކީ މީހުން ވެރިކަމުން ބާލާބައެއް ނޫނޭ. އަޅުގަނޑުމެންނަކީ ހަމަމަގަށް މީހުން އަޅުވަން އުޅޭ ވބައެކޭ
ފައްޔާޒް ވިދާޅުވިއެވެ
އެމްޑީޕީން ކުރަމުންގެންދާ މަސައްކަތަކީ ގާނޫނީ އިމުގެ ތެރެއިން ސަރުކާރު ޖަވާބުދާރީކުރުވުމުގެ މަސައްކަތް ކަމަށާއި، އެޕާޓީން އެކަން ކުރާނޭކަމުގެ ޔަގީންކަން ރައްޔިތުންނަށް އަރުވާކަމަށެވެ. އެއީ ޖަލްސާ ބާއްވައިގެން ކަމުގައި ވީނަމަވެސް އަދި މަގު މައްޗަށް ނިކުމެ މުޒާހަރާކުރަންވިއަސް އެކަން ރައްޔިތުންގެ ހައްގުގައި ކުރާނޭކަމަށް ފައްޔާޒް ވިދާޅުވިއެވެ.
އެމްޑީޕީން މިރޭ ބޭއްވި ޖަލްސާގެ ތެރެއިން... ފޮޓޯ/އެމްޑީޕީ
ފައްޔާޒް ވިދާޅުވީ، ސަރުކާރު ޒިއްމާދާރުކުރުވުމަށް އެމްޑީޕީން ކުރާ މަސައްކަތްތަކުގައި ރައްޔިތުންގެ އެއްބާރުލުން ބޭނުންވާނޭ ކަމަށާއި އެކަންކަމުގައި ދެމިތިބެވޭނީ ރައްޔިތުންގެ އެއްބާރުލުމާއެކުގައިކަން ފައްޔާޒް ފާހަގަކުރެއްވިއެވެ.
އެމްޑީޕީން ވަނީ "ގާނޫނު އަސާސީގެ ދިފާއުގައި ރައްޔިތުން" ނަމުގައި ބޮޑު ޖަލްސާއެއް ޑިސެމްބަރުމަހުގެ 10 އެއްވާ އަންގާރަ ދުވަހުގެ ރޭ ކާނިވާ ސަރަހައްދުގައި ބޭއްވުމަށް ނިންމާފައެވެ.
Advertisement
This content is created and paid for by advertisers and does not involve Voice Journalists
