މިއަދު ހަވީރު އެމްޑީޕީން ބޭއްވި ނޫސްވެރިންގެ ބައްދަލުވުމުގައި، ރައްޔިތުންނަށް އަނިޔާވެރި ވެއްޖެނަމަ ރައީސް އަމީނަށް ހެދިގޮތާ ގުޅޭގޮތުން އެމްޑީޕީގެ ޗެއާޕާސަން ފައްޔާޒް އިސްމާއީލް ޖެއްސެވި މިސާލަށް އަމީންގެ ކާފަދަރިކަނބަލުން ޑރ.ފަރަހަނާޒް ފައިސަލް ރައްދުދެއްވައިފިއެވެ.
އެމްޑީޕީގެ އެކްޓިވިސްޓަކު ވަނީ ރައީސް ޑރ.މުއިއްޒަށް ކުރީގެ ރައީސް އަމީންދީދީގެ ވެރިކަން ނިމުކަމަށް ގެނައުމަށް އެމަނިކުފާނަށް ހެދިގޮތް ހަދާފާނޭކަމަށް ވާހަކަ ދައްކާފައެވެ. ފައްޔާޒު ވަނީ މިއަދު ބޭއްވި ނޫސްވެރިންގެ ބައްދަލުވުމުގައި އެކްޓިވިސްޓު ދެއްކި ވާހަކަތައް ދިފާއުކޮށް ވާހަކަދައްކާފައެވެ. ފައްޔާޒު ވިދާޅުވީ ރައްޔިތުންނަށް އަނިޔާވެރި ވެއްޖެނަމަ އެބީދައިން ކަންކުރަން ޖެހިދާނެކަމަށެވެ. ނަމަވެސް އެވާހަކަ އެފަރާތުން ދައްކާފައިވަނީ، މިހާރުގެ ރައީސަށް ނަސޭހަތެއް ދިނުމުގެ ގޮތުން ކަމަށެވެ.
ފައްޔާޒު މިއަދު ދެއްކެވި ވާހަކަތަކާ ގުޅޭގޮތުން ރާއްޖޭގެ ފުރަތަމަ ޖުމްހޫރިއްޔާގެ ރައީސް, މަރުހޫމް މުހައްމަދު އަމީން ދީދީގެ ކާފަ ދަރިކަނބަލުން އަދި އެމްޑީޕީ ސަރުކާރުގައި މީގެކުރިން އިނގިރޭސި ސަފީރަކަށް ހުންނެވި ޑރ.ފަރަހަނާޒް ފައިސަލް އެކްސްގައި ކުރެއްވި ޕޯސްޓެއްގައި ވިދާޅުވީ، އިސްލާމީ ޝަރުޢީ ހަމަތަކުން ބޭރުން މީހަކު މަރާލުމަކީ ދުވަހަކުވެސް ގަބޫލްކުރެވޭނެ ކަމެއް ނޫންކަމަށެވެ. ކޮންމެ ގޮތަކަށް ކަމެއް ކުރިޔަސް ބަޔަކުނިކުމެ މީހަކު މަރާލުމަކީ އަޅުގަނޑުމެންގެ ދީން އިސްލާމްދީން ހުއްދަކުރާ ކަމެއް ނޫންކަމަށްވެސް ފަރަހަނާޒް ވިދާޅުވިއެވެ.
މިއީ އެމްޑީޕީގެ ރަސްމީ ސްޓޭންޑް ތޯ؟ އެހެންނަމަ މިއީ ދިރިހުރުމުގެ ހައްގު ހިމެނޭ ގޮތަށް މީހުންގެ އަސާސީ ހައްގުތަކަށް ތެދުވި އެމްޑީޕީއެއް ނޫން
ފަރަހަނާޒް އެކްސްގައި ކުރެއްވި ޕޯސްޓްގައި ވިދާޅުވިއެވެ
ސުއްމުލް އަމީރު މުހައްމަދު އަމީން ދޮށިމޭނާ ކިލެގެފާނަކީ ދިވެހިރާއްޖޭގެ ފުރަތަމަ ޖުމްހޫރިއްޔާގެ ފުރަތަމަ ރައީސެވެ. އެމަނިކުފާނަކީ ދިވެހި ގައުމުދުށް ހިދުމަތްތެރިއެކެވެ. މުހައްމަދު އަމީނަކީ ރާއްޖޭގައި އެންމެ ފުރަތަމަ ގާނޫނު އަސާސީއެއް އެކުލަވާލި ކޮމިޓީގެ މެމްބަރެކެވެ. އެމަނިކުފާނު ވަނީ ރާއްޖޭގެ އެކި ކަންކޮޅުތަކުގައި އޭރު އުފެދުނު ފިތުނަވެރިކަން ސުލްހަކުރައްވާފައެވެ.
މުހައްމަދު އަމީން ރާއްޖޭގެ ރައީސްކަމަށް ފުރަތަމަ އިސްކުރެވުނީ 1953 ވަނަ އަހަރެވެ. ތާރީހީ ލިޔުއްވުންތަކަށް ބަލާއިރު މުހައްމަދު އަމީން ވެރިކަން ނިމުމުގެ ސަބަބުތަކުގެ ތެރެއިން އެއް ސަބަބަކީ ބައެއް ދިވެހިންގެ ރުހުން ގެއްލޭގޮތަށް އޭރު ފާސްކުރެއްވި ބައެއް ގާނޫނުތަކެވެ.
މުހައްމަދު އަމީންދީދީ އަވަހާރަކޮށްލި ހާދިސާއާ ގުޅޭގޮތުން ރާއްޖެ ދުށް ކުޅަދާނަ އަދީބް އިބްރާހިމް ޝިހާބް ވިދާޅުވެފައި ވެއެވެ. އަމީން ދީދީ އަވަހާރަކޮށްލުމުގެ އެންމެ ހާއްސަ ސަބަބުތަކުގެ ތެރޭގައި ވެރިކަމުގެ އެންމެ އެތެރޭގައި އުފެދުނު ނޭއްގާނީ ކަމާއި، ނޭއްދާރު ބައެއްގެ ހިތް ނުބައިކަން ހިމެނެއެވެ.
Advertisement
This content is created and paid for by advertisers and does not involve Voice Journalists
