އަތޮޅުތެރޭގެ ބައެއް ރަށްތަކުގެ މެޖިސްޓްރޭޓް ކޯޓުތަކަށް ފަނޑިޔާރުން އައްޔަނުކޮށްފިއެވެ.

ޖުޑީޝަލް ސާވިސް ކޮމިޝަން (ޖޭއެސްސީ) އިން މެޖިސްޓްރޭޓް ކޯޓުތަކަށް ފަނޑިޔާރުން ހޯދުމަށް އިއުލާނުކުރީ މިއަހަރުގެ އޮކްޓޫބަރު މަހުއެވެ.

އެގޮތުން ޖޭއެސްސީން ވަނީ 7 ރަށެއްގެ މެޖިސްޓްރޭޓް ކޯޓުތަކަށް ފަނޑިޔާރުން އައްޔަނުކުރުމަށް ނިންމާފައެވެ. އެއީ:

1) ކ.މާފުށި މެޖިސްޓްރޭޓް ކޯޓު - ކ.މާފުށި، ޝާހީ، އަލްއުސްތާޛާ ޝިފްނާ އަޙްމަދު ޞާދިޤު

2) ލ.މާވަށު މެޖިސްޓްރޭޓް ކޯޓް -  ލ.ގަން، މަތިމަރަދޫ، ފަޒާ، އަލްއުސްތާޛު އަޙްމަދު ޝާފީ

3) ހއ.ބާރަށު މެޖިސްޓްރޭޓް ކޯޓް - ހއ.ބާރަށް، ރޭސަމް، އަލްއުސްތާޛު ޢަބްދުﷲ ޖައިލަމް

4) ބ.ކެންދޫ މެޖިސްޓްރޭޓް ކޯޓް -  ބ.ކެންދޫ، ސައްކެޔޮގެ، އަލްއުސްތާޛު ޖިނާން ޢަބްދުﷲ

5) ކ.ކާށިދޫ މެޖިސްޓްރޭޓް ކޯޓު -  ފ.ދަރަނބޫދޫ، ރޯޝަނީގެ، އަލްއުސްތާޛު ޢަލީ އިސްމާޢީލް

6) ބ.ތުޅާދޫ މެޖިސްޓްރޭޓް ކޯޓު - ލ.މާވަށް، އެންދެރިމާގެ، އަލްއުސްތާޛު އިސްމާޢީލް މާހިރު

7) ގދ.ގައްދޫ މެޖިސްޓްރޭޓް ކޯޓް - ގދ.ގައްދޫ، ޔެލޯސީ، އަލްއުސްތާޛު އަޙްމަދު ޢަވްފު ޢަބްދުއްޞަމަދު

މި ބޭފުޅުން މި މަގާމުތަކަށް އައްޔަނުކޮށްފައިމިވަނީ ޖޭއެސްސީން ކުރިއިއުލާނުގެ ދަށުން "ފަނޑިޔާރުން ޢައްޔަންކުރުމުގައި ކޮމިޝަނަށް ލަފާދޭ ކޮމިޓީ"އިން އިންޓަރވިއުކުރުމަށްފަހު ކަމަށް އެ ކޮމިޝަނުން މައުލޫމާތުދެއެވެ.