މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓަރްކްޗަރ އާއި މިނިސްޓްރީ އޮފް ހައުސިން، ލޭންޑް އެންޑް އާބަން ޑިވެލޮޕްމެންޓް އެއްކޮށްލައި، ކެބިނެޓަށް ބޮޑެތި ބަދަލުތަކެއް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ގެންނަވައިފިއެވެ.

އެގޮތުން ރައީސް ޑރ.މުޢިއްޒު ވަނީ ހައުސިން މިނިސްޓްރީއާއި ކޮންސްޓްރަކްޝަން މިނިސްޓްރީ އެއްކޮށްލެއްވުމަށް ފަހު، އެ މިނިސްޓްރީގެ ހިންގުން ކޮންސްޓްރަކްޝަން މިނިސްޓަރަކަށް ހުންނެވި އަބްދުﷲ މުއްތަލިބާ ހަވާލުކުރައްވާފައެވެ.

އެއާއިއެކު، ހައުސިން މިނިސްޓަރަކަށް ހުންނެވި، އަލީ ހައިދަރު ހަޔާ އެޑިއުކޭޝަން މިނިސްޓްރީއަށް ބަދަލުކުރައްވާފައިވާއިރު، ހަޔާ އެޑިއުކޭޝަން މިނިސްޓަރަކަށް ހުންނެވި މަރިޔަމް މާރިޔާ ވަނީ އެގްރިކަލްޗާ މިނިސްޓްރީއަށް ބަދަލުކުރައްވާފައެވެ.

Advertisement

މި ބަދަލާއިއެކު ހައުސިން މިނިސްޓްރީ އުވާލާފައިވާއިރު، ހައުސިން ސެކްޓަރ ބަދަލުކުރައްވާފައިވަނީ ކޮންސްޓްރަކްޝަންގެ ބަޔަށެވެ. އަދި ބިމާއި ޕްލޭނިން އަދި ސްޓެޓިސްޓިކްސް ބަދަލުކުރީ ފިނޭންސް މިނިސްޓްރީގެ ދަށަށެވެ.

މި ބަދަލާއިއެކު، މިނިސްޓަރ އޮފް ފައިނޭންސް އެންޑް ޕްލޭންނިންގ ގެ މަގާމު ފުރުއްވާނީ ފައިނޭންސް މިނިސްޓަރު މޫސާ ޒަމީރުއެވެ.