ދަރަނި އަދާކޮށްފައި ނުވާތީ އުކުޅަހު އިސް މެޖިސްޓްރޭޓްގެ މަގާމުގައި ހުންނެވި މުއާވިޔަތު ގާސިމްގެ މަގާމުން ވަކިވެފައިވާކަމަށް ޖުޑީޝަލް ސާވިސް ކޮމިޝަން (ޖޭއެސްސީ) އިން ނިންމައިފިއެވެ.
މިކަމާއި ގުޅޭ ގޮތުން ޖޭއެސްއީން ބުނީ އއ.އުކުޅަހު މެޖިސްޓްރޭޓް ކޯޓުގެ އިސްމެޖިސްޓްރޭޓް އަލްއުސްތާޛު އަޙްމަދު މުއާވިޔަތު ޤާސިމްގެ މައްޗަށް ސިވިލް ކޯޓަށް ހުށަހެޅި ނިމިފައިވާ ސާބިތުދަރަނީގެ މައްސަލައާ ގުޅިގެން ޙުކުމާ އެއްގޮތަށް ދަރަނި އަދާކޮށްފައި ނުވާކަން މައްސަލައިގެ ލިއެކިޔުންތަކުން އެނގެން އޮތްކަމަށެވެ.
އެއާއިއެކު މި ޙުކުމާ އެއްގޮތަށް ދަރަނި އަދާކޮށްފައި ނުވާނެ ކަމަށް މެޖިސްޓްރޭޓް އިއުތިރާފްވެފައިވާކަން ފާހަގަކޮށް ޖޭއެސްސީން ބުނީ ދިވެހިރާއްޖޭގެ ފަނޑިޔާރުންގެ ޤާނޫގައިވާ ގޮތުން، ސާބިތު ދަރަންޏަށް ފައިސާ ނުދެއްކުމަކީ ފަނޑިޔާރުންގެ ކިބައިގައި ހުރުން ލާޒިމްކުރާ ޝަރުތުތަކުގެ ތެރެއިން ޝަރުތެއް އުނިވާނެ ކަމެއްކަމަށާއި، އެއިން ޝަރުތެއް ފަނޑިޔާރެއްގެ ކިބައިން އުނިވެއްޖެނަމަ އެ ފަނޑިޔާރަކު ހުރި މަޤާމު ހުސްވީ ކަމުގައި ޤާނޫނުގައި ބަޔާންކޮށްފައިވާކަމަށެވެ.
އެހެންކަމުން، ޖޭއެސްސީން ބުނީ، މުއާވިޔަތުގެ ކިބައިން ފަނޑިޔާރުކަމުގެ އެ އަސާސީ ޝަރުތު އުނިވެފައިވާތީ، އޭނާ އަދާކުރަމުންދިޔަ އއ.އުކުޅަހު މެޖިސްޓްރޭޓް ކޯޓުގެ އިސްމެޖިސްޓްރޭޓްގެ މަޤާމު ހުސްވީކަމުގައި 2024 ޑިސެންބަރު 25 ވަނަ ދުވަހު ބޭއްވުނު އެ ކޮމިޝަނުގެ މިއަހަރުގެ 66 ވަނަ ބައްދަލުވުމުގައި ނިންމާފައިވާކަމަށެވެ.
މުއާވިޔަތު މަގާމުން ވަކިވެފައިވާ ކަމަށް ނިންމަން ދެން އޭނާ ހުރީ ސަސްޕެންޑް ކޮށްފައިކަން ފާހަގަކޮށްލަން ޖެހެއެވެ.
Advertisement
This content is created and paid for by advertisers and does not involve Voice Journalists
