އިސްރާއީލުގެ ސަލާމަތާއި ބެހޭ ވަޒީރު، އިތަމަރު ބެން ގްވިރް، މަސްޖިދުލް އަޤްޞާއަށް ވަނުން ދިވެހި ސަރުކާރުން ކުށްވެރިކޮށްފިއެވެ.
ސަރުކާރުން ޔަހޫދީ ވަޒީރުގެ މި އަމަލު ހަރުކަށި އިބާރާތުން ކުށްވެރިކުރާކަން ހާމަކޮށް ނެރުނު ނޫސްބަޔާނެއްގައި ބުނީ، މިއީ އަލް އަޤްޞާގެ ދީނީ އަދި ތާރީޚީ ހުރުމަތް ކަނޑާލުމުގެ އިތުރުންބައިނަލްއަޤްވާމީ ޤާނޫނުތަކާ ޚިލާފު ޢަމަލެއްކަމުގައި ދެކޭކަމަށެވެ.
ހަމައެއާއިއެކު، މިއީ ފަލަސްޠީނުގެ ލޮބުވެތި ރައްޔިތުންގެ އިތުރުން، ދުނިޔޭގެ 2 ބިލިއަނަށްވުރެ ގިނަ މުސްލިމުންގެ ޙައްޤުތަކަށް އަރައިގަތުން ކަމަށް ސަރުކާރުން ވަނީ ސިފަކުރައްވާފައެވެ.
މި ބަޔާނުގައި ސަރުކާރުން ވަނީ، ކުރިއަށްއޮތް ތަނުގައި މިފަދަ ދީނީ ބިނާތަކާއި މެދު އިސްރާއީލުން މިފަދައިން އަމުލުކުރުން ހުއްޓުވުމަށާއި، ބައިނަލްއަގުވާމީ ޤާނޫނުތަކާއި އިންސާނީ ހައްގުތަކަށް އިހުތިރާމްކުރުން ކަށަވަރުކުރުމަށް ހަރުދަނާ، އަވަސް ފިޔަވަޅުތަކެއް އެޅުމަށް ގޮވާލާފައެވެ.
މިއާއިއެކު ސަރުކާރުން ވަނީ، މި ހަމަނުޖެހުމަށް ދެމެހެއްޓެނިވި ހައްލެއް ގެނެވޭނީ 1967 ގެ ކުރިން ކުރިން އޮތް ބޯޑަރުތަކުގެ މައްޗަށް ބިނާކޮށް، އިރުމަތީ ޤުދުސްއަކީ ފަލަސްޠީނުގެ ވެރިކަންކުރާ ރަށްކަމުގައި ކަނޑައަޅައި، ފަލަސްޠީނުގެ ދައުލަތަކީ މިނިވަން ދައުލަތެއްގެ ގޮތުގައި ކަނޑައެޅުމުން ކަމަށް ބުނެފައެވެ.
Advertisement
This content is created and paid for by advertisers and does not involve Voice Journalists
