ސްޕެނިޝް ލަލީގާގެ ޗެންޕިއަން ރެއާލް މެޑްރިޑުން އެކުލަބުގެ ތާރީޚީ ސްޓޭޑިއަމް ސެންޓިއާގޯ ބާނަބެއުގެ ނަން ބަދަލުކުރަން އެ ކްލަބުން ނިންއިފި އެވެ.

ޑިސެމްބަރު 1947 ގައި ހުޅުވި މި ސްޓޭޑިއަމަށް އެންމެ ފުރަތަމަ ކީ ނަމަކީ ރެއާލް މެޑްރިޑް ސްޓޭޑިއަމެވެ. އަދި މިހާރުގެ ނަން ސެންޓިއާގީ ބާނަބެއުގެ ނަމަށް އެ ދަނޑުގެ ނަން ބަދަލު ކުރީ 1955 ގަ އެވެ. މިއީ އެ ކްލަބްގެ ލެޖެންޑް އަދި ރައީސްކަން ވެސް ކުރެއްވި ސެންޓިއާގޯ ބާނަބެއުގެ ޔެސްޓޭގެ ނަމަށް ނިސްބަތްކޮށެވެ. ސެންޓިއާގޯ ބާނަބެއު ވަނީ ކުޅުންތެރިއެއްގެ ގޮތުގައްޔާއި ކޯޗެއްގެ ގޮތުގައި ރެއާލް މެޑްރިޑާއެކު ގިނަ ކާމިޔާބީތަކެއް ހޯދާފައެވެ.

70 އަހަރަށް ފަހު ރެއާލް މެޑްރިޑުން އެކުލަބުގެ ސްޓޭޑިއަމްގެ ނަން ބަދަލު ނިންމީ އަގު ބޮޑު ސްޕޮންސަރަކާ ދިމާލަށް ދިއުމުގެ ގޮތުންނެވެ. އަދި އާ ސްޓޭޑިއަމްގެ ނަމަކީ "ބާނަބެއުގެ ސްޓޭޑިއަމް"ވެ. ސެންޓިއާގޯގެ ބަދަލުގައި ނަމުގެ ކުރިއަށް ދެން އަންނާނީ ސްޕޮންސަރުގެ ބްރޭންޑް ނަމެވެ.

އެ ކްލަބްގެ ރައީސްކަން 30 އަހަރުވަންދެން ކުރެއްވި ބާނަބެއުގެ ރައީސްކަމުގައި ހުޅުވި ސްޓޭޑިއަމް އިމާރާތް ކުރަން ފައިސާ ހޯދީ ކްލަބްގެ މެންބަރުންނާއި ސަޕޯޓަރުންގެ އަތުންނެވެ. ފުޓްބޯޅައިގެ ތާރީޚް ދިރާސާ ކުރާ ފަރާތްތަކުން ބުނާ ގޮތުގައި ބިޒްނަސް މޮޑެލް އަށް ފުޓްބޯޅަ ހިންގުން ބަދަލުކުރުމުގެ ބާނީ އަކީ ސެންޓިއާގޯ ބާނެބުއޭ އެވެ.

މީގެ އިތުރުން ފެބްރުއަރީ 1958 ގައި މެންޗެސްޓާ ޔުނައިޓެޑްގެ ޓީމު ދަތުރު ކުރި މަތިންދާބޯޓް ވެއްޓި ހިނގި ހިތާމަވެރި ހާދިސާއަށް ފަހު، ޔުނައިޓެޑް ޓީމު އަލުން ބިނާ ކުރުމަށް ސެންޓިއާގޯ ބާނަބެއުގެ ވަނީ ބޮޑު އެހީތެރިކަމެއް ވެދެއްވާފައެވެ.