އަޒަރުބައިޖާންގެ މަތިންދާބޯޓު ވައްޓާލީ ރަޝިއާއިން ކަމަށް އަޒަރުބައިޖާންގެ ރައީސް އިލްހާމް އަލިޔެވް ތުހުމަތުކުރައްވައިފިއެވެ.

އިންޓަވިއުއެއްގައި ވާހަކަދައްކަވަމުން އަލިޔެވް ވިދާޅުވީ، މަތިންދާބޯޓު ވައްޓާލީ ރަޝިއާއިންކަން ސާފުކޮށް އެނގޭކަމަށާއި، އެއީ ގަސްތުގައި ކުރިކަމަކަށް ނުވިނަމަވެސް ހާދިސާ ހިނގާފައިވާކަމަށެވެ.

މަތިންދާބޯޓު ވެއްޓުނީ ދޫނިތަކެއްގައި ޖެހިގެންކަމަށް ރަޝިއާއި މީގެ ކުރިން ބުނުމާއި ގުޅިގެން އަލިޔެވް ވިދާޅުވީ، ބޯޓުގައި ލޯވަޅުތަކެއް ހުރުމުން އެއީ ދޫނިތަކެއްގެ ސަބަބުންވީކަމެއް ކަމަށް ނުބެލެވޭކަމަށެވެ.

Advertisement

މިކަން ރަޝިއާއިން ފޮރުވަން އުޅޭކަމަށް ވިދާޅުވެ އަލިޔެވް ވަނީ އެކަމާއި ނުރުހުން ފާޅުކުރައްވާފައެވެ.

މި ހާދިސާގައި ބޯޓުން ދަތުރުކުރި 38 މީހުން މަރުވެފައިވާއިރު، ރަޝިއާގެ ރައީސް ވްލަދްމީރް ޕުޓިން ވަނީ  މި ހާދިސާއާއި ހުޅިގެން މައާފަށް އެދިވަޑައިގެންފައެވެ.