ޗައިނާގައި ގޮތް ނޭނގޭ ބައްޔެއް ފެތުރި, އެގައުމުގެ ހޮސްޕިޓަލްތައް ތޮއްޖެހިއްޖެއެވެ.
ސޯޝަލް މީޑިއާގައި ދައުރުވަމުންދާ ވީޑިއޯ ތަކުން ފެންނަ ގޮތުގައި، އެގައުމުގެ މެޑިކަލް ޔުނިޓްތަކުގައި އާއްމުން ތޮއްޖެހިފައިވާއިރު، ރޭގަނޑުގެ ދަންވަރުގެ ވަގުތުގައިވެސް ކުޑަކުދިން ގޮވައިގެން އެކުދިންގެ ބެލެނިވެރިން ދިގު ކިއުތަކުގައި ތިބޭތަން ފެނެއެވެ.
މީގެ ފަސް އަހަރުކުރިން ޗައިނާގެ ވޫހާން ސިޓީން މުޅި ދުނިޔެއަށް ފެތުރުނު ކޮވިޑާއި މި ބައްޔާއި ގިނަ ބަޔަކު އަޅާ ކިޔަމުން އަންނައިރު، ޗައިނާގެ ސިއްހީ މާހިރުން އަންނަނީ މާސްކް އެޅުމަށް އިލްތިމާސްކުރަމުންނެވެ. އެގައުމުގެ މީޑިއާތަކުން ރިޕޯޓްކުރާގޮތުގައި، ބޮޑަށް ބެލެވެނީ މިއީ ހިއުމަން މެޓަޕްނިއުމޯވައިރަސް (އެޗްއެމްޕީވީ) ކިޔާ ވައިރަހަކުން ޖެހޭ ބައްޔެކެވެ. މި ބަލީގެ ސަބަބުން ރޯގާ ޖެހި ހުން އައުމާއި، ކެއްސުން ހިމެނެއެއެވެ.
ސީރިއަސް ހާލަތްތަކުގައި އެޗްއެމްޕީވީ ޖެހުމުން އާއްމުކޮށް ކުޑަކުދިންނަށް ބްރޮންކައިޓިސް ނުވަތަ ނިއުމޯނިއާ ޖެހުމުގެ ފުރުސަތު އޮވެއެވެ. މިއީ ކުޅު ފަދަ ތަކެތިން އަދި ގައިގޯޅި ވުމުން ޖެހޭ، ވަރަށް ފަސޭހައިން ގައިން ގަޔަށް އަރާބައްޔެއްކަން ފާހަގަކޮށްލަން ޖެހެއެވެ.
މި ބައްޔާއި ބެހޭގޮތުން ތަފާތު ވާހަކަތައް ސޯޝަލް މީޑިއާގައި ފެތުރެމުންދިޔަ ނަމަވެސް، ޗައިނާގެ ނޭޝަނަލް ޑިޒީޒް ކޮންޓްރޯލް އެންށް ޕްރިވެންޝަން އެޑްމިނިސްޓްރޭޝަން (އެންސީޕީޑީ) އިން ވަނީ ބައްޔާއި ގުޅިގެން ހާލަތު ނުރައްކާތެރި ނޫންކަމަށް ބުނެފައެވެ. އެހެންނަމަވެސް، އެގައުމުގައި ފާހަގަކޮށްލެވޭ އަދަދަކަށް މިދިޔަ ޑިސެންބަރު މަހުގެ 16 އިން 22 އާއި ދެމެދު ފުއްޕާމޭގެ އިންފެކްޝަންތައް އިތުރުވިކަމަށް އެ އިދާރާއިން ވަނީ ހާމަކޮށްފައެވެ.
Advertisement
This content is created and paid for by advertisers and does not involve Voice Journalists
