ލޯކަލް ޓޫރިޒަމް ކުރިއެރުވުމަށް ބާއްވާ "ރަށު އެކްސްޕޯ" ގެ މީޑިއާ ޕާޓްނަރަކަށް ވޮއިސް
ލޯކަލް ޓޫރިޒަމް ކުރިއެރުވުމުގެ ގޮތުން ރާއްޖޭގައި ފުރަތަމަ ފަހަރަށް ބާއްވާ "ރަށު އެކްސްޕޯ 2025"ގެ މީޑިއާ ޕާޓްނަރަކަށް ވޮއިސް ހަމަޖައްސައިފިއެވެ.
މިކަމުގެ އެއްބަސްވުމުގައި ރަށު އެކްސްޕޯ އިންތިޒާމުކުރާ ފަރާތުގެ ހައިސިއްޔަތުން އެއްބަސްވުމުގައި ސޮއިކުރެއްވީ، ޓްރެވަލް ގައިޒްގެ ޑިރެކްޓަރު ޑރ.ހުސައިން ސަނީ އުމަރެވެ. ވޮއިސްގެ ފަރާތުން ސޮއިކުރެއްވީ ސީއީއޯ މުހައްމަދު ސައިޒަންއެވެ.
ރަށު އެކްސްޕޯ 2025 މީޑިއާ ޕާޓްނަރޝިޕް އެއްބަސްވުމުގައި ސޮއިކުރެއްވުމަށްފަހު ޓްރެވަލް ގައިޒްގެ ޑިރެކްޓަރު ޑރ.ހުސައިން ސަނީ އުމަރު ވިދާޅުވީ، ލޯކަލް ޓޫރިޒަމް ޕްރޮމޯޓް ކުރުމުގެ ގޮތުން ބާއްވާ މި އިވެންޓުގެ މީޑިއާ ޕާޓްނަރަކަށް ވޮއިސް ހަމަޖެއްސުމަށް ވޮއިސްއަކީ އެކަމަށް އެންމެ އެކަށޭނެ ފަރާތްކަމަށެވެ. މި އެއްބަސްވުމުގެ ދަށުން ވޮއިސްއިން ރަށު އެކްސްޕޯއާ ގުޅޭ އެކިއެކި މައުލޫމާތުތަކާއި އެކި ފަރާތްތަކަށް އެވަގުތަކު ބޭނުންވާނެ މައުލޫމާތުތައް ފޯރުކޮށްދެމުންދާނެއެވެ.
މާކެޓިން ފާމެއްކަމަށްވާ ދަ ޓްރެވަލް ގައިޒްއިން އިންތިޒާމްކޮށްގެން ބޭއްވުމަށް ހަމަޖެހިފައިވާ "ރަށު އެކްސްޕޯ 2025" ބޭއްވުމަށް ހަމަޖެހިފައިވަނީ، އަންނަ ފެބުރުއަރީމަހުގެ 13 އިން 15 އަށް ހުޅުމާލޭ ސެންޓްރަލް ޕާކްގައެވެ. ރަށު އެކްސްޕޯއަކީ ދިވެހިރާއްޖޭގެ ރަށްތަކުގެ ރީތިކަމާއި ސަގާފަތާއި އެކިއެކި ހަރަކާތްތައް ދައްކުވައިދޭގޮތަށް ރާއްޖޭގައި ފުރަތަމަ ފަހަރަށް އިންތިޒާމުކުރާ މިބާވަތުގެ ފުރަތަމަ އެކްސްޕޯއެވެ.
"ރަށު އެކްސްޕޯ 2025"ގެ އިތުރު ޕާޓްނަރުންގެ ތެރޭގައި ޓޫރިޒަމް މިނިސްޓްރީ، މޯލްޑިވްސް މާކެޓީން ޕީއާރު ކޯޕަރޭޝަން، ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
