ރަޝިއާގެ ވައިގެ ސަރަހައްދު ބޭނުންކުރުން ރައްކާތެރިނޫންކަމަށް ބުނެ ޔޫރަޕިއަން ޔޫނިއަން (އީޔޫ) އިން ސަމާލުވުމަށް އެދެފިއެވެ.
ފާއިތުވި މަހު އަޒަރުބައިޖާން އެއަރލައިންސްގެ މަތިންދާބޯޓެއް ވެއްޓުނު ހާދިސާއާ ގުޅިގެން ޔޫރަޕިއަން ޔޫނިއަންގެ ވައިގެ ދަތުރުފަތުރުގެ ސަލާމަތީ ބެލެހެއްޓުމާ ހަވާލުވެފައިވާ ފަރާތުން ވަނޫ ޔޫރަޕް ނޫން އެއަރލައިންތަކަށް ހުޅަނގު ރަޝިޔާގެ މަތިން ދަތުރުކުރުން އެއްކިބާވުމަށް އިރުޝާދު ދީފައެވެ.
ރަޝިޔާގެ އެއަރ ޑިފެންސްތަކުން ޔުކްރެއިންގެ ޑްރޯންތަކަށް އަމާޒުކޮށް ހިންގި ހަމަލާއެއްގެ ސަބަބުން ކަމަށް ތުހުމަތުކުރެވޭ މި ހާދިސާގައި 38 މީހުންގެ ފުރާނަ ގެއްލުނު އިރު، ޔޫރަޕިއަން ޔޫނިއަން އޭވިއޭޝަން ސޭފްޓީ އޭޖެންސީ (އީއޭއެސްއޭ) ބުނީ، ރަޝިއާ އާއި ޔޫކްރެއިނާއި ދެމެދު ހިނގަމުންދާ ހަނގުރާމައިގެ ސަބަބުން ރަޝިޔާގެ ވައިގެ ސަރަހައްދުން ދަތުރުކުރާ މަދަނީ މަތިންދާބޯޓުތަކަށް ނުރައްކާވެދާނެކަމުގެ ބިރު އެބަ އޮތްކަމަށެވެ.
އެހެންކަމުން ރަޝިޔާގެ އިރުމަތީ ހުޅަނގުން ދަތުރުނުކުރުމަށް އީއޭއެސްއޭ އިން ވަނީ އިރުޝާދު ދީފައެވެ.
ރަޝިޔާގެ ވައިގެ ސަރަހައްދު މިހާރުވެސް ޔޫރަޕިއަން އެއަރލައިންތަކަށް ބަންދުކޮށްފައިވާއިރު، އަޒަރުބައިޖާނާއެކު ގާތް ގުޅުމެއް ބަހައްޓާ ރަޝިޔާގެ ރައީސް ވްލަދިމީރު ޕުޓިން، މަތިންދާބޯޓު ވެއްޓުނު ހާދިސާ އާއި ގުޅިގެން ހަމްދަރުދީ ފާޅުކުރެއްވިނަމަވެސް، މިކަމުގައި ރަޝިއާއިން ޒިންމާވާން ނުޖެހޭކަމަށް ވަނީ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
