މާލެއަށް ކުރި ވިއްސާރައާއި ގުޅިގެން 7 ގޭބީސީއެއްގެ 44 މީހަކަށް ވަގުތީ ބޯހިޔާވަހިކަން ފޯރުކޮށްދީފިއެވެ.

ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) އިން އެކްސްގައި ކުރި ޕޯސްޓެއްގައި ބުނީ، ރޭ މާލެއަށް ކުރި ވިއްސާރާގައި ފެންބޮޑުވުމުގެ ސަބަބުން 7 ގޭބިސީ އެއްގެ 44 މީހަކަށް 1 ދުވަހަށް ވަގުތީ ބޯހިޔާވަހިކަމާއި ކެއިން ބުއިންމުގެ އިންތިޒާމު އެ އޮތޯރިޓީން ހަމަޖައްސައިދީފައިވާކަމަށެވެ.

އެންޑީއެމްއޭއިން ބުނީ، މިފަރާތްތައް ބަދަލުކުރެވުނީ އެގެތަކުގެ ފާޚާނާތަކުން ނަޖިސް ލީކުވުމާއިއެކު، ކައްކާ ކައިބޮއެ ހެދުމަށް ބުރޫ އެރުމާއި އާންމު ދިރިއުޅުމަށް ހުރަސްއެޅިފައިވާ ހާލަތަށް ގޮސްފައިވާތީކަމަށެވެ.

Advertisement

ރާއްޖޭގެ އެކި ހިސާބުތަކަށް ކުރަމުންދާ ވިއްސާރައިގައި މާލޭގެ މަގުތަކުގައި ފެންބޮޑުވުމާއި ގުޅިގެން ވެލިބަސްތާ ޖެއްސުމާއި ފެން ހިއްކުމުގެ މަަސައްކަތް ދިވެހި ސިފައިންނާއި،  ފުލުހުން އަދި މާލެ ސިޓީ ކައުންސިލް ގުޅިގެން ކުރަމުންދާކަން ފާހަގަކޮށްލަން ޖެހެއެވެ.