ހިޔުމަންރައިޓްސް ކޮމިޝަންގެ ނައިބު ރައީސްގެ މަގާމަށް، އެ ކޮމިޝަންގެ މެންބަރު ކަމުގެ މަގާމުގައި ހުންނެވި، މ. ޖިއެނާ، މޫމިނާ ވަޙީދުގެ އައްޔަނު ކުރެއްވުމަށް މަޖިލީހުގެ ރުހުން ހޯއްދެވުމަށް ފޮނުއްވައިފިއެވެ. 

އެޗްއާރްސީއެމްގެ ނާއިބު ރައީސްގެ މަގާމަށް މޫމިނާ ވަހީދު އައްޔަން ކުރެއްވުމަށް މަޖިލީހުގެ ރުހުން ހޯއްދެވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ފޮނުއްވި ސިޓީފުޅު، މިއަދު ބޭއްވި މަޖިލީހުގެ ދައުރުން ބޭރު ޖައްސާގައިވަނީ އިއްވާފައެވެ. 

އަދި އެ މައްސަލަ، ދިރާސާ ކުރުމަށް ހިޔުމަން ރައިޓްސް އެންޑް ޖެންޑަރ ކޮމިޓީއަށް ވަނީ ފޮނުއްވާފައެވެ.

Advertisement

މޫމިނާ އެޗްއާރސީއެމްގެ މެންބަރު ކަމުގެ މަގާމަށް އައްޔަނު ކުރެވުނީ، ކުރީގެ ރައީސް އިބްރާޙީމް މުޙައްމަދު ޞާލިޙްގެ ވެރިކަމުގައި، 2020 ވަނަ އަހަރުގެ ތެރޭގައެވެ. 

މޫމިނާގެ އިތުރުން އެޗްއާރސީއެމްގެ މިވަގުތު ތިއްބެވީ؛ 

ރައީސް: މަރްޔަމް މުނާ

މެންބަރު: އާމިނަތު ޝިފާއަތު އަބްދުއްރައްޒާގު

މެންބަރު: ސަމާއު އަހުމަދު ނަޖީބު

މެންބަރު: އިސްމާޢީލް ހަބީބު