މޫސުމާއި ބެހޭ އިދާރާ (މެޓް އޮފީސް) އިން ރ އަތޮޅުން ފެށިގެން މ އަތޮޅަށް ހުދު ސަމާލު ނެރެފިއެވެ.
މޫސުމާއި ބެހޭ އިދާރާއިން މިސަރަހައްދަށް ހުދު ސަމާލު ނެރެފައިވަނީ މިއަދު ފަތިހު 5:00 އިން 11:00 އާއި ހަމައަށެވެ.
މިގޮތުން އެ އިދާރާއިން ބުނީ، ބޯކޮށް ވާރޭވެހުމާއިއެކު ގުގުރާނެކަމަށް ލަފާކުރާކަމަށެވެ.
މިއަދު ހަވީރު 18:00 އާއި ހަމައަށް މެދުރާއްޖެ ތެރެއާއި އުތުރުގެ އެހި ހިސާބަށް ވިއްސާރަކުރުމާއިއެކު ގުގުރައި، ބައެއް ރަށްތަކަށް ބޯކޮށް ވާރޭވެހުން އެކަށީގެންވާކަމަށާއި، ދެކުނުގެ ބައެއް ރަށްތަކަށް ކެރީގެ އަސަރު ފޯރާނެކަމަށްއެ އިދާރާއިން ލަފާކުރެއެވެ.
މިއާއިއެކު، ކަނޑުތައް ގަދަވާނެކަމަށާއި، ރާޅުގެ އުސްމިނުގައި 4 ފޫޓާއި 7 ފޫޓު ހުންނާނެކަމަށް ލަފާކޮށް މޫސުމާއި ބެހޭ އިދާރާއިން ވަނީ ހުރިހާ ފަރާތްތަކުން ވެސް މޫސުމަށް ސަމާލުވުމަށް އިލްތިމާސްކޮށްފައެވެ.
Advertisement
This content is created and paid for by advertisers and does not involve Voice Journalists
