ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު، އެސްޓޯނިއާގެ ބަޔޯބޭންކަށް ޒިޔާރަތްކުރައްވައިފިއެވެ.

ރައީސް ޑރ.މުޢިއްޒު އެސްޓޯނިއާއަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިން، އެގައުމުގެ ބަޔޯބޭންކަށް ޒިޔާރަތް ކުރެއްވުމުން އެމަނިކުފާނަށް މަރުޙަބާ ވިދާޅުވީ އެސްޓޯނިއާ ބަޔޯބޭންކްގެ ހެޑް އަދި ޓާޓޫ ޔުނިވަރސިޓީ އިންސްޓިޓިއުޓް އޮފް މޮލެކިއުލަރ އެންޑް ސެލް ބަޔޮލޮޖީ، ޕްރޮފެސަރ އޮފް ފާމަކޮޖީނޯމިކްސް، ލިލީ މިލާނީއެވެ.

 ޒިޔާރަތުގައި، ޕްރޮފެސަރ މިލާނީ ވަނީ އެ ފެކަލްޓީގެ މައިގަނޑު މަސައްކަތްތަކާއި ދިރާސީ މަސައްކަތްތަކުގެ ތަފްޞީލްތައް ރައީސް ޑރ.މުޢިއްޒަށް ވަނީ އަރުވާފައެވެ.

Advertisement

2001 ވަނަ އަހަރު ޤާއިމްކުރި ޓާޓޫ ޔުނުވަރސިޓީގެ މި ދިރާސީ ފެސިލިޓީ އަކީ އެސްޓޯނިއާގެ އާބާދީގެ 20 އިންސައްތަކަމަށްވާ 200،000 ރައްޔިތުންގެ މަޢުލޫމާތު ރައްކާކުރެވިފައިވާ ބަޔޯބޭންކެކެވެ.

މިއީ ޤައުމީ ފެންވަރެއްގައި ޔޫރަޕްގައި ހިންގޭ މިފަދަ އެންމެ ބޮޑު ބަޔޯބޭންކަށް ވާއިރު، ރައީސް ޑރ.މުޢިއްޒު ވަނީ ޔުނިވަރސިޓީގެ މެހެމާނުން ސޮއިކުރައްވާ ފޮތުގައި ސޮއިކުރައްވާފައެވެ.