މީގެ ކުޑައިރުކޮޅެއް ކުރިން ހިޔާ ސަރަހައްދުގެ ބޮޑު ބަޔަކުން ކަރަންޓް ކެނޑިއްޖެއެވެ.
ވޮއިސްއަށް މައުލޫމާތު ލިބިފައިވާ ގޮތުގެ ހިޔާގެ ރަތް އަދި ނޫ ޓަވަރުތަކުން ވަނީ ކަރަންޓް ކެނޑިފައެވެ. ހިޔާގެ އެ ޓަވަރުތަކުން ކަރަންޓް ކަނޑައިގެންދިޔައީ 22:40 ހާއިރުއެވެ.
މިކަމާ ގުޅޭގޮތުން ސްޓެލްކޯއިން ބުނީ، ދިމާވި ޓެކްނިކަލް މައްސަލައަކާއި ގުޅިގެން ހުޅުމާލޭގެ ފުރަތަމަ ފިޔަވައްސާއި ދެވަނަ ފިޔަވަހީގެ ބައެއް ސަރަހައްދުތަކުން ވަނީ ކަރަންޓުގެ ހިދުމަތް މެދުކެނޑިފައިވާ ކަމަށެވެ. މައްސަލަ ދެނަގަނެ ވީއެންމެ އަވަހަކަށް އެ މައްސަލަ ހައްލުކޮށް ހިދުމަތް މެދުކެނޑިފައިވާ ސަރަހައްދުތަކަށް އަލުން ކަރަންޓު ދިނުމުގެ މަސައްކަތްތައް ކުރަމުންދާކަމަށް ސްޓެލްކޯއިން ބުނެއެވެ.
މައުލޫމާތު ލިބޭ ގޮތުގައި ކަރަންޓް ދިޔަ ވަގުތު ޓަވަރު 14 ގެ ލިފްޓްތެރޭ ހުރި މީހަކު ނޭވާހާސްވެ، ހެޔަށް ގޮތްވެގެން ވަނީ ހޮސްޕިޓަލަށް ގެންގޮސްފައެވެ. މިކަން އެ ޓަވަރުގެ ކޮމިޔުނިޓީ ގްރޫޕްގައި މީހަކު ވަނީ ޔަގީންކޮށްދީފައެވެ. ހިޔާ ބައެއް ޓަވަރުތަކުން ކަރަންޓް ދިއުމާ ގުޅިގެން ބައެއް ޕަމްޕުތަކުން ކަރަންޓް ކަނޑައިގެންގޮސް ފެން ލިބުމުގައި ދަތިތަކެއް އުޅޭކަމަށް ބައެއް ފަންގިފިލާތަކުގެ މީހުން ވަނީ ބުނެފައެވެ.
އެމްޑަބްލިއުއެސްސީގެ މުއައްޒަފުން މިހާރު ދަނީ ބޫސްޓާ ޕަމްޕްތައް މެދުވެރިކޮށް މެނުއަރީ ފެން ލިބޭނޭ ގޮތް ހެދުމަށް މަސައްކަތްކުރަމުންނެވެ. އެހެންކަމުން މާ ގިނަ އިރުތަކެއް ނުވެ ފެން ލިބޭނޭކަމަށް މައުލޫމާތު ލިބެއެވެ.
އިތުރު ތަފްސީލް އަންނަނީ..
Advertisement
This content is created and paid for by advertisers and does not involve Voice Journalists
