އެމެރިކާ ބަލައިގަންނާނީ ހަމައެކަނި ’ދެ ޖިންސު‘، (ފިރިހެން އަދި އަންހެން)، ކަމަށް އަލަށް އިންތިޚާބުވި ރައީސް ޑޮނަލްޑް ޓްރަމްޕް އިއުލާނުކޮށްފައެވެ. މިކަން އިއުލާނު ކުރީ އޭނާގެ ވެރިކަމާ ހަވާލުވެ ދިން ފުރަތަމަ ތަޤުރީރުގައެވެ.
ޓްރަމްޕްގެ އައު އަމުރުގެ ދަށުން، ސަރުކާރުން "ޖެންޑަރ" ގެ ބަދަލުގައި "ސެކްސް" މި ލަފުޒު ބޭނުންކުރަންޖެހޭނެއެވެ. އަދި ޕާސްޕޯޓާއި ވީސާ ފަދަ ސަރުކާރުން ދޫކުރާ ލިޔެކިޔުންތަކުގައި މީހެއްގެ ޖިންސު ބަޔާންކުރަންވާނީ އެމީހެއްގެ ބަދަލުނުކުރެވޭ ބައޮލޮޖިކަލް ކްލެސިފިކޭޝަނަށް ބިނާކޮށް ކަމަށް ވެސް އަމުރުގައި ބަޔާންކޮށްފައިވެއެވެ.
މީގެ އިތުރުން، ޓްރަމްޕް ވަނީ ކުރީގެ ރައީސް ޖޯ ބައިޑަންގެ 78 އެގްޒެކެޓިވް އޯޑަރ ބާތިލުކޮށްފައެވެ. މީގެ ތެރޭގައި ނަސްލީ ހަމަހަމަކަމާއި އެލްޖީބީޓީކިއު+ މީހުންގެ ޙައްޤުތައް ރައްކާތެރިކުރުމަށް އަމާޒުކޮށްފައިވާ އެތައް އަމުރެއް ހިމެނެއެވެ.
"މިއަދުން ފެށިގެން، އެމެރިކާ ސަރުކާރުގެ ރަސްމީ ސިޔާސަތަކީ ހަމައެކަނި ދެ ޖިންސު، ފިރިހެން އަދި އަންހެން، ބަލައިގަތުން ކަމުގައި ވާނެ،" ޓްރަމްޕް ބުންޏެވެ.
މި ބަދަލުތަކާ ގުޅިގެން، އިންސާނީ ޙައްޤުތަކަށް މަސައްކަތްކުރާ ކަމަށް ދައުވާ ކުރާަ ޖަމްޢިއްޔާތަކުން ވަނީ މައިނޯރިޓީ ގްރޫޕްތަކުގެ ޙައްޤުތައް ހިމާޔަތްކުރުމަށް މަސައްކަތްކުރާނެކަމަށް ބުނެފައެވެ.
Advertisement
This content is created and paid for by advertisers and does not involve Voice Journalists
