އެމެރިކާގެ ރައީސް ޑޮނަލްޑް ޓްރަމްޕާއި ދެކޮޅަށް ދައުވާކުރި 12 އަށް ވުރެ ގިނަ ވަކީލުން އެގައުމުގެ ޖަސްޓިސް ޑިޕާޓްމެންޓްގެ ވަޒީފާއިން ވަކިކޮށްފިއެވެ.
އެމީހުން ވަޒީފާއިން ވަކިކޮށްފައިވަނީ ޓްރަމްޕްގެ އެޖެންޑާ ގާއިމުކުރުމަށް އެމީހުންނަށް އިތުބާރު ނުކުރެވޭނެކަމަށް އެކްޓިން އެޓާނީ ޖެނެރަލް، ޖޭމްސް މިކްހެންރީ ނިންމެވުމާއި ގުޅިގެންނެވެ.
އެމީހުން ޓްރަމްޕްގެ މައްޗަށް ދައުވާކޮށްފައިވަނީ އޭނާ ވެރިކަމާއި ހަވާލުވެ ނިންމި ބައެއް ނިންމުންތަކާއި ގުޅިގެންނެވެ. މި މައްސަލައާއި ގުޅިގެން މަގާމުން ވަކިކޮށްފައިވަނީ ކޮން ބައެއްކަމެއް ހާމަކޮށްފައެއް ނުވެއެވެ.
މި ވަކީލުންނަކީ މީގެ ކުރިން ޓްރަމްޕް ގެ މައްސަލަތައް ބެލުމަށް އެގައުމުގެ ޕްރޮސެކިއުޓަރ ޖެކް ސްމިތު އެކުލަވާލި ހާއްސަ ކައުންސިލް ގައި ހިމެނޭ ބަޔަކަށްވާއިރު، ޓްރަމްޕް ވެރިކަމާއި ހަވާލުވުމުގެ ކުރިން އެމަގާމުން އަމިއްލައަށް އިސްތިއުފާ ދީފައެވެ.
މި ކައުންސިލުން ޓްރަމްޕާއި ދެކޮޅަށް ހުށަހެޅި 2 ދައުވާވެސް ވަނީ އޭނާގެ މައްޗަށް ސާބިތުނުވާކަމަށް ހުކުމްކޮށްފައެވެ.
Advertisement
This content is created and paid for by advertisers and does not involve Voice Journalists
