ސްރީލަންކާއާއި ރާއްޖެއާ ދެމެދު އޮތީ އިތުބާރުގެ މައްޗަށް ބިނާވެފައި އޮތް ގުޅުމެއްކަމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެއެވެ.
ރައީސް ޑރ.މުޢިއްޒު މިފަދައިން ވިދާޅުވީ، ސްރީލަންކާގެ މިނިވަން ދުވަހާއި ގުޅިގެން އެކްސް ގައި ކުރެއްވި ޕޯސްޓެެއްގައެވެ.
މިގޮތުން މި ޕޯސްޓްގައި ރައީސް ޑރ.މުޢިއްޒު ވަނީ ސްރީލަންކާގެ މިނިވަން ދުވަހުގެ ތަހުނިޔާ އެ ޤައުމުގެ ރައީސް އަނުރަ ކުމާރަ ދިސާނަޔަކައާއި ބޮޑުވަޒީރު ޑރ. ހަރީނީ އަމަރަސުރިޔާއަށާއި، އެޤައުމުގެ ސަރުކާރަށާއި ރައްޔިތުންނަށް އަރިސްކޮށްފައެވެ.
މިއާއިއެކު ރައީސް ޑރ.މުޢިއްޒު ވިދާޅުވީ، ދެގައުމުގެ ދެމެދުގައި އޮތީ އެއްގޮތް ސިޔާސަތުތަކަކާއި އިތުބާރުގެ މައްޗަށް ބިނާވެފައި އޮތް ވަރުގަދަ ގުޅުމެއްކަމަށާއި ރާއްޖެއާއި ސްރީލަންކާއާ ދެމެދު އޮތް އަވަށްޓެރިކަމާއި ޒަމާންވީ ގާތް ގުޅުން އިތުރަށް ބަދަހިވެގެންދާނެކަމަށް ޔަޤީންކުރައްވާކަމަށެވެ.
ރައީސް ޑރ.މުޢިއްޒު އިތުރަށް ވިދާޅުވީ، ސްރީލަންކާގެ ރައްޔިތުންނަށް އަމާންކަމާއި ކުރިއެރުމާއި ދެމެހެއްޓެނިވި ކާމިޔާބީއަށް އެދިވަޑައިގަންނަވާ ކަމަށެވެ.
Advertisement
This content is created and paid for by advertisers and does not involve Voice Journalists
