ހައްދު ފަހަނައަޅާފައިވާ އިސްރާއީލު ޖަމާޢަތުން, ޣައްޒާގައި ހާސިލުކުރަން ބޭނުންވާ ތިން މައިގަނޑު ލަނޑުދަނޑި، އިސްރާއިލްގެ ނިރުބަވެރު ބޮޑުވަޒީރު ބެންޖަމިން ނަތަންޔަހޫ ހާމަކޮށްފިއެވެ.
އަންގާރަ ދުވަހު، ވައިޓް ހައުސްގައި އެމެރިކާގެ ރައީސް ޑޮނަލްޑް ޓްރަމްޕާއެކު ބޭއްވި ނޫސްވެރިންގެ ބައްދަލުވުމެއްގައި، ނެތަންޔާހޫ ބުނި ގޮތުގައި، ޣައްޒާގައި ކުރިއަށް ދިޔަ 18 މަސްދުވަހުގެ ’ހަނގުރާމައަށްފަހު‘ އިސްރާއީލް ވަނީ "ކުރިއަށްވުރެ ވަރުގަދަވެފައި" އެވެ.
އަދި އީރާނުގެ ހަރުކަށި ބާރުތައް ވަނީ "ކުރިއަށްވުރެ ބަލިކަށިވެފައި" ކަމަށާ، އެ ސަރަޙައްދުގައި ސުލްޙަ ޤާއިމުކުރުމަށްޓަކައި "މަސައްކަތް ނިންމާލަން ޖެހޭ" ކަމަށެވެ.
އެހެންކަމުން، އެކަން ކުރުމަށް، ޣައްޒާ ސަރަހައްދުގައި އިސްރާޢީލުން ދެން ހާސިލް ކުރަން ބޭނުންވާ މައިގަނޑު ތިން ލަނޑުދަނޑިއެއް އޭނާ ވަނީ ހާމަކޮށްފައެވެ.
އެ ތިން ލަނޑުދަނޑިއަކީ:
1. ހަމާސްގެ އަސްކަރީ އަދި ވެރިކަން ހިންގުމުގެ ޤާބިލުކަން ނައްތާލުން
2. އިސްރާއީލުގެ ހުރިހާ ރަހީނުން ދޫކޮށްލުމަށް މަސައްކަތްކުރުން
3. ޣައްޒާއިން އިސްރާއީލަށް އިތުރު ނުރައްކަލެއް ކުރިމަތިނުވާނެކަން ކަށަވަރުކުރުން
މި ބައްދަލުވުމުގައި ޓްރަމްޕް ވަނީ އެމެރިކާއިން ޣައްޒާ "ހިންގުމާ ހަވާލުވުމަށް" ހުށަހަޅާފައެވެ. އޭނާ ބުނި ގޮތުގައި، ފަލަސްޠީނުގެ ރައްޔިތުން އެ ސަރަޙައްދުން ނުކުމެ އެހެން ތަނެއްގައި އާބާދުވާން ޖެހޭނެއެވެ. އަދި އެމެރިކާއިން ޣައްޒާ ހިންގުމާ ހަވާލުވެ، އެތަން މިލްކުކޮށް ފާއިތުވި ދެ އަހަރު ދުވަހު ހަނގުރާމައިގެ ސަބަބުން ވީރާނާވެފައިވާ އެ ސަރަޙައްދު އަލުން ބިނާކުރަން ޖެހޭނެ ކަމަށް ޓްރަމްޕް ބުންޏެވެ.
Advertisement
This content is created and paid for by advertisers and does not involve Voice Journalists
