މިހާރު ކުރިއަށްދާ "ސީޕީ ކަޕް ހޭންޑްބޯޅަ ޓޯނަމެންޓް 2025" ގެ ފިރިހެން ޑިވިޝަން ސެމީ ފައިނަލްގެ ދެވަނަ މެޗުގައި ސްޕެޝަަލް އޮޕަރޭޝަންސް ރެކްރިއޭޝަން ކުލަބު (އެސްއޯއާރުސީ) އާއި މާލޭ ފްރޮންޓްލައިން ޕޮލިސް (އެމްއެފްޕީ) ކުޅުނު މެޗު ވާދަވެރި ކުޅުމަކަށްފަހު 23-18 ގެ ނަތީޖާއަކުން ކާމިޔާބުކޮށް ފައިނަލުގެ ވަނަ ޖާގަ އެސްއޯއާރުސީ އިން ހޯދައިފިއެވެ.

އެސްއޯއާރުސީ މުބާރާތުގެ ސެމީ ފައިނަލުން ޖާގަހޯދީ ގުރޫޕް ސްޓޭޖުގައި ކުޅުނު ހަތަރު މެޗުން ވެސް މޮޅުވެ 12 ޕޮއިންޓާއެކު ގުރޫޕްގެ ބީގެ އެއްވަނަ ޓީމުގެ ގޮތުގައެވެ. އަދި އެމްއެފްޕީ ސެމީ ފައިނަލުން ޖާގަހޯދީ ސްޓޭޖުގައި ކުޅުނު ހަތަރު މެޗުގެ ތެރެއިން ތިން މެޗުން މޮޅުވެ، އަނެއް މެޗުން ބަލިވެ ނުވަ ޕޮއިންޓާއެކު ގުރޫޕް އޭގެ ދެވަނަ ޓީމުގެ ގޮތުގައެވެ.

މެޗުގެ ފުރަތަަމަ ހާފުގައި ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔައިރު، ފުރަތަމަ ހާފުގެ ކުޅުން ނިމިގެންދިޔައީ އެއްލަނޑުގެ ލީޑަކާއެކު 9-10 ގެ ނަތީޖާއަކުން އެސްއޯއާރުސީ ކުރީގައި އޮވެގެންނެވެ. އަދި ދެވަނަ ހާފުގައި އެޓީމުން އިތުރު 13 ލަނޑު ކާމިޔާބުކުރިއިރު، މިހާފުގައި އެމްއެފްޕީ އިން ވެސް ވަނީ އިތުރު ނުވަ ލަނޑު ކާމިޔާބުކޮށްފައެވެ. އަދި މިމެޗުގެ މޮޅު ކުޅުންތެރިއަކަށް ހޮވުނީ އެސްއޯއާރުސީގެ އަލީ ނަޖާހް އެވެ. އޭނާ ވަނީ މިމެޗުގައި އެޓީމަށް ހަ ލަނޑު ކާމިޔާބުކޮށްދީފައެވެ.

Advertisement

މުބާރާތުގެ ފައިނަލުގައި ބުރާސްފަތި ދުވަހުގެ ރޭ އެސްއޯއާރުސީ އިން ނުކުންނާނީ ސެމީގެ ފުރަތަމަ މެޗުގައި އެމްއެފްޕީ ބަލިކޮށް ފައިނަލުން ޖާގަހޯދި ކުލަބު އެސްޕީޑީ އާއި ދެކޮޅަށެވެ.

2 ފެބުރުއަރީ 2025 އިން 13 ފެބުރުއަރީ 2025 ގެ ނިޔަލަށް ކުރިއަށް ގެންދާ މިމުބާރާތުގެ ފިރިހެން ޑިވިޝަނުގައި މިއަހަރު ޖުމްލަ 10 ޓީމަކުން ވާދަކޮށްފައިވާއިރު، މި ޑިވިޝަންގެ މެޗުތައް ކުރިއަށް ގެންގޮސްފައި ވަނީ ބައިވެރިވި 12 ޓީމު ދެ ގުރޫޕަކަށް ބަހާލައިގެންނެވެ. އެގޮތުން ކޮންމެ ގުރޫޕަކުން އެންމެ ރަނގަޅު ނަތީޖާއެއް ހޯދި ދެޓީމަށް މުބާރާތުގެ ސެމީ ފައިނަލުން ވަނީ ފުރުސަތު ލިބިފައެވެ.