ބިސްކީމިޔާ އަކީ މަސްދަޅު ލައިގެން އަދި ނުލައި ވެސް މީރުކޮށް ތައްޔާރު ކުރެވޭ އެއްޗެކެވެ. މިއަދު ވޮއިސްގެ ބަދިގެއިން މި ގެނެސްދެނީ މަސްދަޅު އަޅަައިގެން ބިސްކީމިޔާ ތައްޔާރު ކުރާނެ ގޮތުގެ ރެސިޕީ އެވެ. 

2 ޖޯޑު ކެބެޖު (ކުދިކޮށް ތުނިކޮށް ކޮށާފައި) 

1 މަސްދަޅު

6 ބިސް (ކައްކައި ކުދިކޮށް ކިޔުބްކޮށް ކޮށާފައި) 

1 ފިޔާ (ތުނިކޮށް ކޮށާފައި) 

2 ލޮނުމެދު (ކުދިކޮށް ޗޮޕް ކޮށްފައި) 

ހިކަނދިފަތް

ގިތެޔޮމިރުސް

1 ސައިސަމުސާ އަސޭމިރުސް

1 ނޫޑްލްސް ސޫޕް ޕެކެޓް

ތެޔޮ

1 1/2 ލާހި ފުށް

ކެއްކި ފެން ލޮނު

1) ފުށްގަނޑު ތައްޔާރު ކުރުމަށް، ފުށް ފުރާނާލުމަށްފަހު، 1 ސައި ސަމުސާ ލޮނު، 1 ބަތް އަޅާ ސަމުސާ ތެޔޮ، އަޅާލުމަށްފަހު، އެކުލަވާލާށެވެ. ދެން ހޫނު ފެން އަޅައިގެން ފުށްގަނޑު ރަނގަޅަށް މޮޑެލާށެވެ. އެއަށްފަހު ކުދި ގުޅަ ޖަހާލާށެވެ. 

2) މަސްގަނޑު ތައްޔާރު ކުރުމަށް، ތަވައެއްގެ ތެރޭގައި، ތެޔޮފޮދެއް ހޫނު ކޮށްލުމަށްފަހު ފިޔާ، ލޮނުމެދު، ހިކަނދިފަތް އަދި ގިތެޔޮ މިރުސް، މީރު ކުރާށެވެ.

3) ރަނގަޅަށް ފިޔާ މީރުވުމުން، ކެބެޖު އަޅާލާށެވެ. ކެބެޖުގެ ރޯފިލައި ކުޑަކޮށް ފްރައިވެލުމުން، މަސްދަޅު އަޅާލައި ރަނގަޅަށް އެކުލަވާލާށެވެ. ދެން ނޫޑްލްސް ސޫޕު އަދި އަސޭމިރުސް އަޅައި, ބިސް ވެސް އަޅާލުމަށްފަހު އެކުލަވާލާށެވެ. މަސްގަނޑު އެހުރީ ތައްޔާރު ވެފައެވެ.  

4) ދެން ކޮންމެ ގުޅައަކުން ރޮށި ދަމާށެވެ. ކޮންމެ ރޮށްޓެއްގެ އެއް ކައިރިން މެދަށް ގާތްގަނޑަކަށް ދެ ސައިސަމުސާ މަސްގަނޑު އެޅުމަށް ފަހު، ރޮށީގެ ދެކޮޅު ފަށްޖަހާލުމަށްފަހު އެއްކޮޅުން އަނެއްކޮޅަށް އޮޅާލާށެވެ.

5) ކީމިޔާގެ ކޮޅުތައް ނުހުޅުވޭނެހެން ތަތްކުރުމަށްޓަކައި ކުޑަ ފެންފޮދެއް ބޭނުން ކުރާށެވެ. އެއަށް ފަހު ތެލުލާނީ އެވެ.