ރަމަޟާން މަހުގެ ރޭތައް އިހްޔާކޮށް ދިރުވުމުގެ ގޮތުން މި އަހަރު ވެސް ފޯރަމްތަކެއް ބޭއްވުމަށް ރ. މީދޫ ކައުންސިލުން ނިންމައިފި އެވެ.
މީދޫ އަކީ ދީނީ ހޭލުންތެރިކަން ވަރަށް ބޮޑު ރަށެކެވެ. ދީނީ ހަރަކާތްތަކާއި ޕްރޮގްރާމްތަކަށް ރައްޔިތުންގެ ބޮޑު ޝައުގުވެރިކަމެއް އޮންނަ ރަށެކެވެ. އެފަދަ ހަރަކާތްތަކާއި ޕްރޮގްރާމްތައް ގިނަގިނައިން ބޭއްވުމަށް ކައުންސިލާއި ރަށުގައި އުފެދިފައި އޮތް "އުއްމީދު" ޖަމިއްޔާ އިން ގިނަ މަސައްކަތްތަކެއް ކުރެ އެވެ.
މި އަހަރުވެސް ކައުންސިލާއި އުއްމީދު ގުޅިގެން ފޯރަމްތަކެއް ބޭއްވުމަށް ވަނީ ނިންމާފަ އެވެ. ޖުމްލަ ހަތަރު ފޯރަމެއް އޮންނާނެ އެވެ.
ފުރަތަމަ ފޯރަމް އޮތީ މި މަހުގެ ހަތްވަނަ ދުވަހު އެވެ. ފޯރަމް ގައި ތަގުރީރު ކުރައްވާނީ ޑރ. އާދަމް ޝަމީމް އެވެ. 14 ވަނަ ދުވަހު އޮންނަ ފޯރަމް ގައި ތަގުރީރު ކުރައްވާނީ، އައްޝައިހް އަހްމަދު ސަމީރު އެވެ. 20 ވަނަ ދުވަހުގެ ރޭ އޮންނަ ފޯރަމް ގައި އައްޝައިހް ސާޖިދު މުހައްމަދު އަދި 25 ވަނަ ދުވަހު އޮންނަ ފޯރަމް ގައި އައްޝައިހް އާޒިމް ހާލިދު އެވެ.
ކައުންސިލުން ބުނީ އިހްޔާ ފޯރަމްގެ ބައިވެެރިންގެ މެދުގައި ނެގޭ ގުރުއަތަކުން އުމްރާ ދަތުރެއް ދިނުމަށް ހަމަޖެހިފައިވާ ކަމަށެވެ.
ފޯރަމްތައް އޮންނާނީ ރޭގަނޑު 9:30 ގައި ރ. އަތޮޅު ތައުލީމީ މަރުކަޒުގަ އެވެ.
Advertisement
This content is created and paid for by advertisers and does not involve Voice Journalists
