ތަފާސް ހިސާބުތަކަށް ބަލާލުމުން ފަނޑިޔާރުގެއަަށް އެންމެ ބޮޑަށް ނުފޫޒު ފޯރުވީ ކޮން ދުވަސްވަރެއްގައި ސާފު ކަމަށް ކަމަށް ބަންޑާރަ ނާއިބު އަހްމަދު އުޝާމް ވިދާޅުވެއްޖެ އެވެ.

އުަޝާމް މިހެން ވިދާޅުވީ އެކްސްގައި ކުރެއްވި ޕޯސްޓެއްގަ އެވެ.

‏ބަންޑާރަނާއިބު އޮފީހުގެ އިސް މަގާމުތަކެއް ވެސް ކުރީން ފުރުއްވާފައިވާ އުޝާމް ވިދާޅުވީ 2019 ވަނަ އަހަރުން ފެށިގެން މިއަދާ ހަމައަށް ޖޭއެސްސީ އިން ފަނޑިޔާރުންނާމެދު އަޅާފައިވާ ފިޔަވަޅުތަަކަށް ބަލާއިރު ފަނޑިޔާރުގެއަށް އެންމެ ބޮޑަށް ނުފޫޒު ފޯރުވާފައިވަނީ ކޮން ދުވަސްވަރެއްގައިކަން ވަރަށް ސާފު ކަމަަށެވެ.

އަދި ފަނޑިޔާރުންނަށް އަޅާފައިވާ ފިޔަވަޅުތަކުގެ ތަފްސީލު ފެންނާނެ ގޮތަށް ތަފާސް ހިސާބު ހިއްސާކުރެއްވި އެވެ.

2018 އިން 2023 ގެ ނިޔަލަށް 8 ފަނޑިޔާރަކު މަގާމުން ވަކިކުރެއްވި ކަމަށާ 12 ފަނޑިޔާރަކު ސަސްޕެންޑް ކުރެއްވި ކަމަށެވެ. ތިން ފަނޑިޔާރެއްގެ މަގާމު ދަށް ކުރައްވާ ސުކޫލީ މައްސަލަ ސާބިތުވި ކަމަށް ނިންމާ 33 ފަނޑިޔާރަކަަށް އެ މުއްދަތުގައި ފިޔަވަޅު އަަޅާފައިވާކަން އުޝާމް ފާހަގަ ކުރެއްވި އެވެ.

އަދި ވަނީ ނޮވެންބަރު 2023 އިން މިހާތަނަށް ފަނޑިޔާރުންނާއި ގުޅޭ މައްސަލަތަކުގެ ތަފާސް ހިސާބު ހިއްސާ ކުރައްވާފަ އެވެ. އެ މުއްދަތުގައި ތިން ފަނޑިޔާރަކު ސަސްޕެންޑް ކުރުމާއި ދެ ފަނޑިޔާރަކަށް ނަސޭހަތް ދީފައިވެ އެވެ.

އުޝާމް ވިދާޅުވީ ޝަރީއަތުގެ މަޖިލީހުގައި ފަނޑިޔާރުން ދައްކާ ވާހަކައަކާ ގުޅިގެން ނުވަތަ ނިންމާ ނިންމުމަކާ ގުޅިގެން “ސްލޫކީވުން” ނިމުމަކަށް ގެނައީ ނޮވެމްބަރު 2023 އިން ފެށިގެން ކަމަށެވެ.