ކްރިސްޕީ ޗިކަން ފިންގާސް އަކީ ރޯދަމަހު ރޯދަ ވީއްލާ ގަޑިއަށް ހެދިކާއެއްގެ ގޮތުގައި ކާލަންވެސް ކަމުދާނެ އެއްޗެކެވެ. އެހެންކަމުން، މިއަދު ވޮއިސްގެ ބަދިގެއިން މި ގެނެސްދެނީ މުރަނަކޮށް ޗިކަން ފިންގާސް ހަދާނެ ގޮތުގެ ރެސިޕީއެވެ. 

1 ކިލޯ ކުކުޅު މަސް، ފަތި ފަތިކޮށް ސްޓްރައިޕްސް ގޮތަށް ކޮށާފައި

1/4 ޖޯޑު ފުލްކްރީމް މިލްކް

2 މޭޒުމަތީ ސަމުސާ ކޯންސްޓާޗް

2 މޭޒުމަތީ ސަމުސާ ފުށް

1 ސައިސަމުސާ ލޮނު

1/2 ސައިސަމުސާ އަސޭމިރުސް (މުގުރާފައި)

1 ސައިސަމުސާ މުގުރި މިރުސް

1-2 ސައި ސަމުސާ ގާރލިކް ޕައުޑަރ

1/2 ޗިކެން ބްރޯތް ކިއުބް

1 ބިސް

3-4 ތަށި ބްރެޑްކްރަމްބްސް

1/2 ސައިސަމުސާ ލޮނު

1 ތަށި މަޔޮނައިޒް

2 މޭޒުމަތީ ސަމުސާ ލުނބޯ ހުތް

1 ސައިސަމުސާ ހަކުރު

1 ސައިސަމުސާ ޕާސްލީ

1 ސައި ސަމުސާ ލޮނުމެދު ޕައުޑަރ

ކުޑަ ލޮނުކޮޅެއް

އަސޭމިރުސް

1. އަވަން 200 ޑިގްރީ ސެލްސިއަސް އަށް ހޫނުކުރަން ޖައްސާށެވެ. ދެން ބޭކިންގ ޝީޓެއްގައި ޕާޗްމަންޓް ޕޭޕަރު އަތުރާލާށެވެ. 

2. ތަށްޓެއްގައި ކިރު، ކޯންސްޓާޗް، ފުށް، 1 ސައިސަމުސާ ލޮނު، އަސޭމިރުސް، މުގުރި މިރުސް، ގާރލިކް ޕައުޑަރ، އަދި ޗިކެން ބްރޯތް ކިއުބް ރަނގަޅަށް އެއްކޮށްލާށެވެ. 

3. އެހެން ތަށްޓެއްގައި ބިސް ރަނގަޅަށް އެއްކޮށްލާށެވެ. 

4. އެހެން ތަށްޓެއްގައި ބްރެޑްކްރަމްބްސް، ހިކި ޕާސްލީ އަދި 1/2 ސަމުސާ ލޮނު އެއްކޮށްލާށެވެ. 

5. ކުކުޅު ސްޓްރައިޕްސް ކިރު މިކްސްޗަރަށް ލުމަށްފަހު، ދެން ބިހަށް ލާށެވެ. އެފަހުން، ބްރެޑްކްރަމްބްސް މިކްސްޗަރަށް ލައި ބްރެޑްކްރަމްބްސް ރަނގަޅަށް އުނގުޅާލާށެވެ. 

6. ކޯޓްކުރެވިފައިވާ ކުކުޅުތައް ތައްޔާރުކޮށްފައިވާ ބޭކިންގ ޝީޓުގައި އަތުރާލާށެވެ. 

7. އެއަށްފަހު ހޫނުކޮށްފައިވާ އަވަނުގައި 20-25 މިނެޓު ވަންދެން، ނުވަތަ ކުކުޅު ރަނގަޅަށް ކެއްކި، ކޯޓިންގ ރީއްޗަށް ރަތްވެ ރަން ކުލައަށް ވަންދެން ފިހެލާށެވެ.

8. ކުކުޅު ފިހެވެމުންދާއިރު، ޑިޕިންގ ސޯސް ތައްޔާރުކުރުމަށް ކުޑަ ތަށްޓެއްގައި މަޔޮނައިޒް، ލުނބޯ ހުތް، ހަކުރު، ޕާސްލީ، ލޮނުމެދު ޕައުޑަރ، ލޮނު، އަދި އަސޭމިރުސް ރަނގަޅަށް އެއްކޮށްލާށެވެ. 

9. ފިހެފައިވާ ކުކުޅު ސޯހާއެކު ކާލަން ވަރަށް މީރު ވާނެއެވެ.