ބަޖިޔާއަކީ ތައްޔާރުކޮށްލަން ވަގުތު ނެގި ނަމަވެސް، ކާލަން ވަރަށް މީރު ހެދިކާއެކެވެ. އެހެންކަމުން މިއަދު ވޮއިސްގެ ބަދިގެއިން މި ގެނެސްދެނީ މީރުކޮށް ބަޖިޔާ ހަދާނެ ގޮތުގެ ރެސިޕީއެވެ.

1 މަސް ދަޅު

1 ޖޯޑު ވަޅޯމަސް (ކުދިކޮށް ތުނިކޮށް ކޮށާފައި)

2 ބޮޑު ފިޔާ ( ކޮށާފަ )

3 ސައި ސަމުސާ ކުކުޅު ހަވާދު

02 ރާނބާ ފަތް ( 03 އިންޗި ހުންނަވަރު )

01 ގިތެޔޮ މިރުސް

ހިކަނދިފަތް

1/2 ސައި ސަމުސާ އިނގުރު (ގާނާފައި)

1/2 ސައި ސަމުސާ ލޮނުމެދު (ގާނާފައި) 

1/2 2 މޭޒުމަތީ ސަމުސާ ހަކުރު

2 ކާފޫރު ތޮޅި

1 އިންޗީގެ ފޮނިތޮށި ކޮޅެއް

ނޫޑްލްސް ސޫޕް ޕެކެޓެއް

ލޮނު

1 މޭޒުމަތީ ސަމުސާ ލުނބޯ ހުތް

2 ޖޯޑުފުއް

ހޫނު ފެން

4 މޭޒުމަތީ ސަމުސާ ތެޔޮ

1) ފުރަތަމަ ފިޔާ، އިނގުރު ޕޭސްޓް، ލޮނުމެދު ޕޭސްޓް، ހަކުރު، ރާނބާފަތް، ހިކަނދިފަތް، ފޮނި ތޮށި، ގިތެޔޮ މިރުސް އަދި ކާފޫރު ތޮޅި ކުޑަ ތެޔޮފޮދެއްގައި މީރު ކޮށްލާށެވެ.

2) އެއަށްފަހު ވަޅޯމަސް، މަސްދަޅު، ކުކުޅު ހަވާދު އަދި ނޫޑްލްސް ސޫޕް ޕެކެޓް އަޅާ ރަނގަޅަށް ކައްކާލާށެވެ.

3) ދެން ތައްޔާރުކުރި މަސްގަނޑުގެ ތެރެއިން ރާނބާފަތާއި ފޮނި ތޮށި، ކާފޫރު ތޮޅި ވަކިކޮށްލާށެވެ. އަދި މަސްގަނޑު ކުޑަކޮށް ހިހޫވެލުމުން، ލުނބޯ ހުތްކޮޅު އަޅާލައި މޮޑެލާށެވެ. ލޮނު މަޑު ނަމަ، ލޮނު އަޅައި ލޮނު ހެޔޮވަރު ކޮށްލާށެވެ. 

4) އެއަށްފަހު، ރޮށި ފިހަން ފުށް މޮޑޭ ގޮތަށް ފުށް މޮޑޭށެވެ. އަދި ފުށްގުޅަ ޖަހާލާށެވެ:

5) ދެން ރޮށި ގޮތަށް ދަމާ ކޮންމެ ފުށްގުޅައެއް ދަމާލުމަށްފަހު، ކޮންމެ ރޮށްޓެއް 4 ފަޅިއަށް ކަފާލާށެވެ.

6) އެއަށްފަހު ކޮންމެ ރޮށްޓަކަށް މަސްކޮޅެއް ލުމައްފަހު ތިނެސްކަނަށް ވާގޮތައް ރޮށި ބައްދާށެވެ. ނުވަތަ ބަޖިޔާ ތައްގަނޑުން ހަދާލާށެވެ.

7) ތަވާ އުނދުންމައްޗަށް އުދާފައި ތެޔޮ ކެކިގަތީމައި ބަޖިޔާ އަޅައި ތެލުލާލާށެވެ.