supreme court ge fandiyaaru kamah Shaheedh aa eku 3 beyfulheh

ސުޕްރީމް ކޯޓްގެ ފަނޑިޔާރު ކަމަށް ޝަހީދުއާއެކު ތިން ބޭފުޅެެއް

15 Mar 2025 | 15:47

ހައިކޯޓްގެ އިސް ފަނޑިޔާރު ޝަހީދު

ސުޕްރީމް ކޯޓްގެ ފަނޑިޔާރު ކަމަށް ހައިކޯޓްގެ އިސް ފަނޑިޔާރު ހުސެއިން ޝަހީދު ހިމެނޭހެން ތިން ބޭފުޅަކު ކުރިމަތިލައްވައިފި އެވެ.

އޭސީސީން ޖިނާއީ ތަހުގީގެއް ފެށުމާއެކު ޖޭއެސްސީން ވަނީ ސުޕްރީމް ކޯޓްގެ ތިން ފަނޑިޔާރަކު ސަސްޕެންޑް ކޮށްފަ އެވެ. އޭގެ ތެރޭގައި ހުސްނުއްސޫއުދު ވެސް ހިމެނިވަޑައިގަންނަވަ އެވެ. މައްސަލަ ބަލަަން ފެށުމުން ސުއޫދު ވަނީ މަގާމުން އިސްތިއުފާ ދެއްވާފަ އެވެ. ނުފޫޒު ފޯރުވާ ކަމުގެ ބޮޑެތި ތުހުމަތުތަކެއް ވެސް ކުރެއްވި އެވެ.

ސުއޫދު އިސްތިއުފާ ދެއްވުމުން ހުސްވި ފަނޑިޔާރު ކަމުގެ މަގާމަށް ހުޅުވާލި އެވެ. އެ މުއްދަތު ހަމަވީ މި މަހުގެ 13 ވަނަ ދުވަހު އެވެ. ވަގުތު ހަމަވިއިރު ކުރިމަތިލެއްވީ ސިވިލް ކޯޓުގެ ކުރީގެ ގާޒީ މަރިޔަމް ނިހާޔަތު އެކަންޏެވެ.

ސުޕްރީމް ކޯޓަށް ފަނޑިޔާރަކު ހޯދުމަށް ކުރި އިއުލާނުގެ ސުންގަޑި ހަމަވިއިރު އެކަށީގެންވާ ވަރަށް އެޕްލިކޭޝަން ލިބިފައިނުވާތީ، އަލުން ފުރުސަތު ހުޅުވާލި އެވެ. މި ފަހަރު ހުޅުވާލި ފުރުސަތު ބަންދުވީ މިއަދު އެވެ.

ވަގުތު ހަމަވީއިރު އެ މަގާމަށް ކުރިމަތިލެއްވީ ހައިކޯޓްގެ އިސް ފަނޑިޔާރު ހުސެއިން ޝަހީދު އާއި ސިވިލް ކޯޓުގެ ކުރީގެ ގާޒީ މަރިޔަމް ނިހާޔަތާއި ގާނޫނީ ވަކީލް ރުސްދުﷲ އިބްރާހީމެވެ.

ހަބަރު

ހައި ކޯޓު

ސްޕްރީމް ކޯޓު

ޖުޑީޝަލް ސަރވިސް ކޮމިޝަން (ޖޭއެސްސީީ)