މިހާރު ކުރިއަށްދަ "މައިލޯ ރަމަޒާން ހާފުކޯޓް ނެޓްބޯޅަ ޗެލެންޖް 2025" ގައި ހޮނިހިރު ދުވަހުގެ ރޭ ސްވިފްޓް ސްޓަރސް އާއި ފައިޓާސް ވާދަކުރި މެޗު އެއްވަރުވިއިރު، ފަލްކަންސް އަތުން ނިންޖާސް ފަސޭހަކަމާއެކު މޮޅުވެއްޖެއެވެ.

މުބާރާތުގައި ރޭ ވެސް އަށް މެޗު ކުޅުނުއިރު، ސީނިއަރ ޑިވިޝަންގައި ސްވިފްޓް ސްޓާސް އާއި ފައިޓާސް ވާދަކުރި މެޗު 10-10 ގެ ނަތީޖާއަކުން ދެޓީމު އެއްވަރުވެފައިވާއިރު، ފަލްކަންސް އަތުން ނިންޖާސް މޮޅުވީ ފަސޭހަކަމާއެކު 14-9 ގެ ނަތީޖާއަކުންނެވެ.

މުބާރާތުގެ ޖޫނިއަރ ޑިވިޝަންގެ ދަބޯލްޓް އާއި ޝޫޓާސް ވާދަކުރި މެޗު 1-3 ގެ ނަތީޖާއަކުން ޝޫޓާސް ކާމިޔާބުކުރިއިރު، ހައި ފްލަޔާސް އިން ވަނީ 8-1 ގެ ނަތީޖާއަކުން ޕަވާ ޕަފްސް ބަލިކޮށްފައެވެ.

Advertisement

މީގެ އިތުރުން މުބާރާތުގެ އޯޕަން ކެޓަގެރީގައި ރޭ ވެސް ހަތަރު މެޗު ކުޅެފައިވާއިރު، ފުރަތަމަ މެޗުގައި ލޮރެންސޯ އާއި ނެޓް އެޓޭކާސް ވާދަކުރި މެޗު 17-8 ގެ ނަތީޖާއަކުން ކާމިޔާބުކުރީ ނެޓް އެޓޭކާސް އެވެ. އަދި ދެވަނަ މެޗުގައި ކުއީންސް އާއި ފާސްޓް ފައިވް ވާދަކުރި މެޗު ވާދަވެރި ކުޅުމަކަށްފަހު 8-10 ގެ ނަތީޖާއަކުން ކާމިޔާބުކުރީ ފާސްޓް ފައިވް އިންނެވެ.

މުބާރާތުގެ އޯޕަން ކެޓަގެރީގައި ރޭ ކުޅުނު ތިންވަނަ މެޗުގައި ނެޓާސް އާއި ޑްރަގަންސް ވާދަކުރި މެޗު ފަސޭހަކަމާއެކު 4-16 ގެ ތަފާތުބޮޑު ނަތީޖާއަކުން ޑްރަގަންސް ކާމިޔާބުކުރިއިރު, ފަހު މެޗުގައި ފާސްޓް ފައިވް އިން ވަނީ 19-9 ގެ ނަތީޖާއަކުން ޑީއެޗްއޭއެޗް އެސްސީ ބަލިކޮށްފައެވެ.

13 މާރިޗު 2025 އިން 19 މާރިޗު 2025 ގެ ނިޔަލަށް ކުރިއަށްދާ މިމުބާރާތުގައި ތިން ކެޓަގަރީއަކުން ޖުމްލަ 17 ޓީމަކުން ބައިވެރިވެފައިވާއިރު، އޭގެތެރޭގައި ހިމެނެނީ ޖޫނިއާ ފަސް ޓީމައި ސީނިއަރ ފަސް ޓީމުގެ އިތުރުން އޯޕަން ކެޓަގެރީގައި ވާދަކުރާ ހަތް ޓީމެވެ....

މުބާރާތުގެ ތިން ކެޓަގެރީގެ މެޗުތައް ވެސް ކުރިއަށް ގެންދިއުމަށް ހަމަޖެހިފައި ވަނީ ލީގު އުސޫލުންނެވެ. އެގޮތުން ޖުނިއާރ އަދި ސީނިއަރ ކެޓަގެރީގެ ކޮންމެ ޓީމެއް ކޮންމެ ޓީމަކާއި އެއްމެޗު ކުޅެ އެންމެ ގިނަ ޕޮއިންޓް ހޯދާ ދެޓީމު ފައިނަލަށް ހޮވޭއިރު، އޯޕަން ކެޓަގެރީގެ ކޮންމެ ޓީމެއް ކޮންމެ ޓީމަކާއި އެއްމެޗު ކުޅުމަށްފަހު ލީގުބުރުގެ ގަދަ ހަތަރު ޓީމުގެ މެދުގައި ސެމީފައިނަލް ދެމެޗު ކުޅުމަށް ވަނީ ހަމަޖެހިފައެވެ