ދަރިންނާއި އާއިލާއާއި ބެހޭނަމަ އެއަށް އެކަށޭނަ ފިޔަވަޅު އަޅަންޖެހޭ ކަމަށް ދަ ޑިމޮކްރެޓްސްގެ އަންހެނުންގެ ލީޑަރު ހަމްދާ މުހައްމަދު ވިދާޅުވެއްޖެ އެވެ.
ހަމްދާ މިހެން ވިދާޅުވީ އެކްސް ގައި ކުރެއްވި ޕޯސްޓެއްގަ އެވެ. ޒުވާން ސިޔާސީ ޝަހުސިއްޔަތުންގެ ތެރެއިން އާންމުންގެ ތެރޭގައި ސަމާލުކަން ހޯދާފައިވާ ހަމްދާ ވިދާޅުވި ގޮތުގައި ފަހަތަށް ފިޔަވަޅު އެޅެމުން ގޮސް ބޯކޮޅުވަތަށް ވެއްޓެންދާއިރުވެސް ރަނގަޅާއި ނުބަޔަކީވެސް ސިޔާސީ މޭރުމުން ނޫނީ މިނޭ ކަމަކަށް ނުވާ ކަމަށެވެ.
ދެން އޭނާ ފާހަގަ ކުރެއްވީ ރާއްޖޭގައި މިވަގުތު ދެކެވޭ އެންމެ މުހިންމު މައްސަލަތަކާއި ގުޅޭ ވާހަކަތަކެވެ. ވިދާޅުވީ ރައީސުލްޖުމްހޫރިއްޔާ, ނޫސްވެރިކަމަށް ބިރު ދެއްކި ކަމަށް ބުނާ ވާހަކަ އަކީ ތެދެއްބަމަ އެއީ ނޫސްވެރިކަމަށް އައި އިތުރު ގޮންޖެހުމެއް ކަމަށާ އެއީ ފަހަތަށް އެޅުނު ފިޔަވަޅެއް ކަމަށެވެ.
އަނެއްކޮޅުން ޒަމާނުއްސުރެ ސިޔާސީ މީހުނާއި އާއިލާތަކަށް ބަސްބުނެ ހަދައޭ އެކަންކަން "ބޯމަތިންދުއްވާލާށޭ" ބުނެ ނޯމަލައިޒް ކުރަން އުޅެން ނުޖެހޭ ކަމަށެވެ. އަދި ވިދާޅުވީ ދަރިންނާއި އާއިލާއާއި ބެހޭނަމަ އެއަށް އެކަށޭނަ ފިޔަވަޅު އަޅަން ޖެހޭ ކަމަށެވެ.
"މަގުމަތީގައި ހިޔާލުފާޅުކޮށް، މުޒާހަރާކޮށް މަދަނީ ބަސްނޭހުން ފަދަކަންކަމުގައި އުޅޭ އަންހެނުންނަށް ޓާގެޓުކޮށް ކަޅުތެޔޮ ޖަހާފައިދާ މީހަކާއި މެދު ފިޔަވަޅު ނޭޅި ދޫކުރެވިގެން ނުވާނެ. މިފަދައިން ބިރުދެއްކުމާއި އަނިޔާވެރިވުން ހުއްޓުވަން އަހަރެމެން މިކުރާހާ މަސައްކަތް، އެއީ އޮޕޮޒިޝަން އޭ ކިޔާފަ އަޅާނުލާނީ ބާ," ހަމްދާ ސުވާލު ކޮށްފައިވެ އެވެ.
Advertisement
This content is created and paid for by advertisers and does not involve Voice Journalists
