ޓައިވާނު ކައިރީގައި އިއްޔެ ބޭއްވި އަސްކަރީ ތަމްރީނުތަކަކީ ޓައިވާނުން 'ވަކިވެގަތުމަށް' ކުރާ މަސައްކަތުގެ އަދަބެއް ކަމަށް ޗައިނާއިން ބުނެފިއެވެ.
ޗައިނާއިން އެގައުމުގެ ޕްރޮވިންސެއްގެ ގޮތުގައި ބަލާ ޓައިވާނުގެ އައްސޭރިފަށުގެ ކައިރީގައި އިއްޔެ 54 ވައިގެ އުޅަނދު ބޭނުންކޮށްގެން އަސްކަރީ ތަމްރީނުތަކެއް ވަނީ ހަދާފައެވެ. މީގެ ތެރެއިން 42 އުޅަނދެއް ޓައިވާނާއި ޗައިނާ ވަކިކުރާ ޓައިވާން ކަނޑުއޮޅުގެ މެދުރޮނގު ހުރަސްކޮށް، ޓައިވާން ފަޅިއަށް ވަދެފައިވާކަމަށް ޓައިވާނުން ތުހުމަތުކުރެއެވެ. މި ތަމްރީނުތަކުގައި ޖޭ-10 މަރުކާގެ އަސްކަރީ ޖެޓާއި، ޑްރޯން ބޭނުންކޮށްފައިވެއެވެ. ޗައިނާގެ ވައިގެ އުޅަނދުފަހަރު ޓައިވާނުގެ ވަށައިގެން އެކި ސަރަހައްދުތަކުން އެގައުމާއި ކައިރިއަށް އައެވެ. އަދި ޗައިނާގެ އުޅަނދުތަކުގެ ޙަރަކާތްތައް މޮނީޓަރކުރުމަށް ޓައިވާނުން ވަނީ ވައިގެ އަދި ކަނޑުގެ އުޅަނދުތައް ނެރެފައެވެ.
އާއްމުކޮށް ޗައިނާއިން ހިންގާ އަސްކަރީ ހަރަކާތްތަކާއި ބެހޭ މައުލޫމާތު ޓައިވާނުން ހާމަކުރެއެވެ. އެހެންނަމަވެސް އެކަމާ ބެހޭ ގޮތުން ޗައިނާއިން އެއްޗެއް ބުނަނީ ވަރަށް މަދު ފަހަރަކުއެވެ.
Advertisement
This content is created and paid for by advertisers and does not involve Voice Journalists
