މާލޭގައި ޒުވާނުންނަށް ބައިބަލައި ކުޅެވޭނެ މައިދާނެއް މިނިސްޓްރީ އޮފް ސިޓީސް ލޯކަލް ގަވަރމަންޓް އެންޑް ޕަބްލިކް ވާކްސްއިން ގާއިމުކޮށްފި އެވެ.
އެ މިނިސްޓްރީން ބުނި ގޮތުގައި މިތަން ހަދާފައި ވަނީ ރައީސުލްޖުމްހޫރިއްޔާގެ އިރުޝާދުގެ މަތިންނެވެ.
އުސްފަސްގަނޑު ސަރަހައްދުގައި ހަދާފައިވާ ބައިބަލާ ކުޅޭ މައިދާން ރޭގެ ވަގުތެއްގައި ވަނީ ނިންމާފަ އެވެ. މިއީ މާފަންނު ސަހަރާގައި ބައިބަލައި ކުޅުމަށް ޒުވާނުންގެ ތެރޭން ބަޔަކު ތައްޔާރުވުމުން، ރައްޔިތުންގެ ތެރޭގައި އުފެދުނު ޚިޔާލުތަފާތުވުމަކާ ގުޅިގެން ކުރެވިގެން ދިޔަ މަސައްކަތެކެވެ.
"އެނގިވަޑައިގަންނަވާނެ ފަދައިން ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އަންނަނީ ރައްޔިތުންގެ ކަންބޮޑުވުންތަކަށް އިޖާބަދެއްވައި، އަވަސް ޙައްލު ހޯއްދަވައި ދެއްވުމަށް ރެއާދުވާލު ކެނޑިނޭޅި މަސައްކަތްޕުޅު ކުރައްވަމުންނެވެ," ސިޓީސް މިނިސްޓްރީން ބުންޏެވެ.
ފިތުރު އީދާ ދިމާކޮށް މާލޭގައި ކޮންމެ އަހަރަކު ވެސް ބައިބަލާ މުބާރާތް އޮވެ އެވެ. އެ މުބާރާތަށް މިހާރު އެކި ޓީމުތަކުން ވަނީ ތައްޔާރުވާން ފަށާފަ އެވެ.
Advertisement
This content is created and paid for by advertisers and does not involve Voice Journalists
