މިހާރު ކުރިއަށްދަ "މައިލޯ ރަމަޒާން ހާފުކޯޓް ނެޓްބޯޅަ ޗެލެންޖް 2025" ގައި އަންގާރަ ދުވަހުގެ ރޭ ކުޅެވުނު އޯޕަން ކެޓަގެރީ ސެމީފައިނަލް ދެވަނަ މެޗުގައި ފަސޭހަކަމާއެކު ފާސް ފައިވް ބަލިކޮށް ޑްރަގަންސް އިން މުބާރާތުގެ ފައިނަލުން ޖާގަހޯފައިފިއެވެ.
ޑްރަގަންސް މުބާރާތުގެ ސެމީފައިނަލުން ޖާގަހޯދީ ކުޅުނު ހަ މެޗުން ހޯދި 15 ޕޮއިންޓާއެކު ލީގުބުރުގެ ދެވަނަ ޓީމުގެ ގޮތުގައެވެ. އަދި ފާސް ފައިވް ސެމީފައިނަލުން ޖާގަހޯދީ ކުޅުނު ހަ މެޗުން ހޯދި 12 ޕޮއިންޓާއެކު ލީގު ބުރުގެ ތިންވަނަ ޓީމުގެ ގޮތުގައެވެ. އަދި މިދެޓީމު ލީގުބުރުގައި ވާދަކުރި މެޗު 14-22 ގެ ނަތީޖާއަކުން ކާމިޔާބުކުރީ ޑްރަގަންސް އެވެ.
ރޭގެ މެޗުގައި މޮޅަށް ކުޅެ ޑްރަގަންސް އިން މެޗު ޑޮމިނޭޓްކުރިއިރު، އެޓީމުން މެޗު ކާމިޔާބުކުރީ 15 ޕޮއިންޓްގެ ބޮޑު ލީޑަކާއެކު 24-9 ގެ ތަފާތުބޮޑު ނަތީޖާއަކުންނެވެ.
މާރިޗު 2025 އިން 19 މާރިޗު 2025 ގެ ނިޔަލަށް ކުރިއަށްދާ މިމުބާރާތުގެެ އޯޕަން ކެޓަގަރީގައި ޖުމްލަ ހަތް ޓީމަކުން ވާދަކުރިއިރު، މި ކެޓަގަރީގެ މެޗުތައް ކުރިއަށް ގެންގޮސްފައިވަނީ ލީގު އުސޫލުން ކޮންމެ ޓީމެއް ކޮންމެ ޓީމަކާއި އެއްމެޗު ކުޅެ އެންމެ ރަނގަޅު ނަތީޖާއެއް ހޯދާ ހަަތަރު ޓީމު ސެމީފައިނަލަށް ހޮވޭގޮތަށެވެ.
Advertisement
This content is created and paid for by advertisers and does not involve Voice Journalists
