ދާޚިލީ ސަލާމަތާއި ފަންނިއްޔާތާއި ބެހޭ ވުޒާރާއިން ކުރިއަށްގެންދާ "އޮޕަރޭޝަން ކުރަނގި" ގެ ދަށުން މިހާތަނަށް 100,000 އަށްވުރެ ގިނަ ބިދޭސީންގެ މައުލޫމާތު ނަގާފައިވާ ކަމަށް ބުނެފި އެވެ.

ގަވާއިދާ ހިލާފަށް އުޅޭ ބިދޭސީންގެ މައްސަލައަށް ހައްލެއް ގެނައުމަށް ފަށާާފައިވާ މި އޮޕަރޭޝަންގެ ފަހުގެ މައުލޫމާތު ހިއްސާ ކުރަމުން އެ ވުޒާރާ އިން ބުނީ މިހާތަނަށް މައުލޫމާތު ނެގި 100,000 ބިދޭސީންގެ ތެރެއިން 65,000 ވުރެ ގިނަ ބިދޭސީންނަކީ މާާލެ ސަރަހައްދުން މައުލޫމާތު ނެގި ބިދޭސީން ކަމަށެވެ.

އެ ވުޒާރާ އިން ވަނީ މިއަދާހަމައަށް މައުލޫމާތު ނުދެވިތިބި ބިދޭސީން މި މަހުގެ 30 ވަނަ ދުވަހުގެ ކުރީން އެ މައުލޫމާތު ހިއްސާކުރުމަށް އެދިފަ އެވެ. އަދި ބުނީ އެ ތާރީހުގެ ފަހުން ރާއްޖޭގައި ގަވާއިދާ ހިލާފަށް އުޅޭ ބިދޭސީން ޑިޕޯޓް ކުރުމުގެ މަސައްކަތް ފަށާނެ ކަމަށެވެ.

Advertisement

ދާޚިލީ ސަލާމަތާއި ފަންނިއްޔާތާއި ބެހޭ ވުޒާރާ އިން ބުނި ގޮތުގައި މިދިޔަ ފަސް އަހަރުތެރޭ އެއްކުރެވިފައި ވަނީ ގާތްގަނޑަކަށް 40,000 ބިދޭސީންގެ މައުލޫމާތެވެ. އަދި ބިދޭސީންގެ މައްސަލަ މި ދަރަޖައަށް ބޮއްސުންލައިގެން ދިޔައީ ކުރީ ސަރުކާރުތަކުން އަމަލީ މަސައްކަތަށް މާބޮޑު ސަމާލު ކަމެއް ނުދިނުމުންނެވެ.

ކުރަނގި އޮޕަރޭޝަން ނިމޭއިރު ބިދޭސީންގެ މައްސަލައަށް ދާއިމީ ހައްލެއް ލިބޭނެ ކަމަށް ވެސް ވަނީ ބުނެފަ އެވެ. އަދި އޮޮޕަރޭޝަން ނިމުމުން ބިދޭސީ މަސައްކަތްތެރީން ގެނައުމަށް މިހާރު އޮތް ހަރުކަށި އުސޫލަށް ނިމުން އަންނާނެ ކަމަށެވެ.