ބަރަކާތްތެރި ރަމަޟާން މަހުގެ ފަހު ދިހައިގެ ހެޔޮ ދުޢާ ތަހްނިޔާ އެންމެހާ ލޮބުވެތި ރައްޔިތުންނަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު އަރިސްކުރައްވައިފި އެވެ.
އެމަނިކުފާނު ތަހުނިޔާ ފޮނުއްވެވީ އެކްސްގައި ކުރެއްވި ޕޯސްޓެއްގައި އެވެ. އެ ޕޯސްޓްގައި އިތުރަށް ލިޔުއްވާފައިވެ އެވެ.
"މާތް ﷲ މި ބަރަކާތްތެރި ރޭ ތަކުގެ ހެޔޮ ދަރުމަޔާއި ޡަވާބު އަޅަމެން އެންމެނަށް ލަށްވާށި! ލައިލަތުލް ޤަދްރީގެ މަތިވެރި ނިޢުމަތް އަޅަމެން އެންމެނަށް ދެއްވަވާށި! އާމީން,"
ރޯދަ މަހުގެ ފަހު ދިހައިގެ ދުވަސްތައް މިއަދު ވަނީ ފެށިފަ އެވެ. މި މައްސަރުގައި ހިމެނޭ އެންމެ ބަރަކާތްތެރި ރެއަކީ ލައިލަތުލް ޤަދްރިވިލޭރެ އެވެ. އެ ރެއަކީ އެއްހާސް މައްސަރުގެ ދަރުމައާ ސަވާބު ލިބޭ ރެ އެކެވެ. އެއީ 83 އަހަރު އަޅުކަން ކުރުމުގެ ސަވާބެވެ.
އެ ރެއަކީ ކޮން ރެއެއްކަން ކަނޑައެޅިގެން އަންގާފައި ނުވި ނަަމަވެސް އެ ރޭ ހޯދުމަށް ފަހު ދިހައިގެ އޮނަހިރި ރޭތަކުގައި ގަދައަޅާ މަސައްކަތް ކުރުމަށް ނަބިއްޔާ ވަނީ އިރުޝާދު ދެއްވާފަ އެވެ.
Advertisement
This content is created and paid for by advertisers and does not involve Voice Journalists
