ރާއްޖޭގައި އުފެދުނު އެންމެ މަޝްހޫރު ކޯޗް އިހްސާން އަބްދުލްޣަނީ (ސާންތި) ނިޔާވެއްޖެ އެވެ.
ސާންތި ނިޔާވީ ކެންސަރަށް ފަރުވާ ހޯއްދަވަމުން ގެންދަވަނިކޮށް މިރޭ ޓްރީޓޮޕް ހޮސްޕިޓަލްގަ އެވެ. ހާލު ގޯސްވެ ހޮސްޕިޓަލްގައި ފަރުވާ ދެމުންދާތާ ދެތީން ދުވަސް ވެއްޖެ އެވެ.
ސާންތި ފާހަގަކުރެވިފައި ވަނީ ދިވެހި ފުޓްބޯޅަ ތާރީހު ދުށް އެންމެ މޮޅު ކޯޗުންގެ ތެރޭގަ އެވެ. ގައުމީ ފުޓްބޯޅަ ޓީމާއި ބައެއް ކުލަބުތަކަށް ވަރަށް ހިދުމަތް ކޮށްފައިވެ އެވެ.
ފުރަތަމަ ފަހަރަށް ދިވެހި ޓީމު ރަން މެޑަލް ހާސިލުކުރީ ގައުމީ ފުޓްބޯޅަ ޓީމުގެ އެސިސްޓެންޓް ކޯޗްގެ މަގާމުގައި ސާންތި ހުރި ދުވަސްވަރު އެވެ. ސާންތި ވަނީ ޔުނައިޑެޓް ވިކްރީ އާއި އީގަލްސްއަށް ކޯޗްކަން ކޮށްދީފަ އެވެ.
އެފްއޭއެމްގެ ޓެކްނިކަލް ޑައިރެކްޓަރުގެ މަގާމު ވެސް އަދާކޮށްފައިވާ ސާންތި އަކީ މި ދާއިރާ އިން މަތީ ތައުލީމު ހާސިލުކޮށްގެން ހުރި ވަރަށް ތައުލީމީ ބޭފުޅެކެވެ.
ކުޅިވަރުގެ އާއިލާގެ ވަރަށް ބޮޑު ލޯތްބެއް ހޯދާފައިވެ އެވެ. އެއީ އެހެން ޓީމުތަކާއި ކުޅުންތެރީންނަށް ސާންތި އަދާކުރި އިހްތިރާމާއި ބެހެއްޓި ގާތް ކަމުގެ ސަބަބުންނެވެ.
Advertisement
This content is created and paid for by advertisers and does not involve Voice Journalists
