ގަވާއިދާހިލާފަށް އުޅޭ ބިދޭސީން ބަލައި ފާސްކުރުމަށް ކުރިއަށްގެންދާ ރެއިޑު އޮޕަރޭޝަން ހުއްޓުމެއް ނެތި ކުރިއަށް ގެންދާ ކަމަށް މޯލްޑިވްސް އިމިގްރޭޝަނުން ބުނެފި އެވެ.
އިމިގްރޭޝަނުން ބުނީ ރޭ ވެސް އޮޕަރޭޝަން ހިންގާފައިވާ ކަމަށެވެ.
އެގޮތުން މާލޭގެ ހީނާމާގޭ ޕާކިން ސަރަހައްދުގައި އުޅެމުންދިއަ ބިދޭސީން ބަލައި ފާސްކޮށްފައިވެ އެވެ. އަދި ގަވާއިދާ ހިލާފަށް އުޅެމުންދިއަ ފަސް ބިދޭސީން ވަނީ އިމިގްރޭޝަންގެ ބެލުމުގެ ދަށަށް ގެނެސްފައި ކަމަށް ބުންޏެވެ.
ގަވާއިދާހިލާފަށް އުޅޭ ބިދޭސީން ބަލައި ފާސްކުރުމަށް ކުރިއަށްގެންދާ ރެއިޑު އޮޕަރޭޝަންގެ އަޕްޑޭޓެއް އިމިގްރޭޝަނުން މިދިނީ އެތަނުގެ ކޮންޓްރޯލާގެ މަގާމުގައި ކުރީން ހުންނެވި ޝަމްއާން ވަހީދު މަގާމުން ވަކިކޮށް ހައްޔަރު ކޮށްފައި ވަނިކޮށެވެ.
ޝަމްއާންގެ މައްޗަށް އޮތީ ބިދޭސީންގެ އަތުން ނާޖައިޒު ގޮތުގައި ފައިސާ ހޯދުމުގެ ތުހުމަތެވެ. ބިދޭސީއަކު ދޫކޮށްލާ އޭނާގެ އަތުން 530،000 ރުފިޔާ ހޯދުމުގެ ތުހުމަތު އެބަ އޮތެވެ. ފުލުހުން ބުނި ގޮތުގައި ބިދޭސީން ފާސްކުރުމުގެ އޮޕަރޭޝަނަށް އުސޫލުން ބޭރުން ޝަމްއާން ވަނީ ވަކި ބަޔަކު ވެސް ނެރެފަ އެވެ.
Advertisement
This content is created and paid for by advertisers and does not involve Voice Journalists
